சார் நீங்க தப்பா புரிஞ்சிகிட்டீங்க

பரீட்சை ஹாலில்  மாணவன் ஒருவனது  பேப்பர் மேல்  தற்செயலாக ஆசிரியரின் பார்வை பட்டது.

டேய் எழுந்திருடா....

என்னடா  இது?

பிள்ளையார் சுழி போடற இடத்துல திமுக துணைன்னு

எழுதி வைச்சிருக்கே.?

ஆமா சார் திமுக துணைதான்....

திமுக துணையா?

அறிவு கெட்டவனே....

கட்சி பெயரை எல்லாம் பரிட்சையில் எழுதினால் நீ  உருப்படுவியாடா...

எதுக்குடா எழுதினே....?

"சார் நீங்க தப்பா புரிஞ்சிகிட்டீங்க....

திமுக துணைங்கிறது 

பிள்ளையார் சுழிதான். வேணும்னா  என் தம்பி பேப்பரை பாருங்க...

ஓஹோ... உன் தம்பி வேற எழுதியிருக்கானா...

யாருடா

இவன் தம்பி .....?

கொண்டாடா  உன் பேப்பரை.....

அடேய் ...நீ என்னடா

அ தி மு க துணை🙏🏻 ன்னு எழுதி வெச்சிருக்கே?

இதுவும் பிள்ளையார் 

சுழிதான் ஐயா..

ஐயா கொய்யான்னா 

பல்லை உடைப்பேன்....

ஒழுங்கா கட்சி பெயரை அழிச்சிட்டு 

எக்ஸாம் எழுத போறீங்களா .

இல்லை வெளியே

அனுப்பட்டுமா?

"சார் நீங்க ரொம்ப பதட்டப்படறீங்க... 

முழுசா  கேட்டீங்கன்னா

கையெடுத்து கும்பிடு வீங்க.."

யாரு..... நான் ...?.

முதல்ல முழுசா நீ சொல்லு  அப்புறம் பார்க்கலாம் கையெடுக்கிறதையும் கழுத்தை பிடிச்சு தள்றதையும்.. .

சார்.. 

திமுக துணை என்றால்

திருச்செந்தூர்

முருக

கடவுள்

துணை..... 

என்னடா சொல்ற....!

கும்பிடுகிற பேரா இருக்கே..

நாமதான் தப்புபண்ணிட்டோமோ

தெரியலையே....

ஐயா...அதிமுக...

நீ என்ன சொல்லப்போறேன்னு

தெரியலையே....ராசா.

"ஐயா அமைதி.

நாங்கள் இருவரும் சகோதர்கள்.

தவிர ஒரு வீட்டுக்குள்

இரண்டு கடவுளை துதிப்பது சரியாகாது

என்பதால் ஒருமுகமாகவே இருக்கிறோம்

"சஸ்பென்ஸ் வைக்காமல் தயவு செய்து அ தி மு க விற்கு விளக்கம் சொல்லுங்கள் ஐயா..."

"புரிய வில்லையா!

அருள்மிகு 

தி ருச்செந்தூர்

முருக

கடவுள் துணை."

ஐயோ.... கைகள் என்னையறியாமல்

கும்பிடுகின்றனவே....

முருகா......என்னை இனி

ம தி மு க துணை

என்று சொல்ல வைத்துவிட்டாயே....

சார்  ....என்ன சொல்றீங்க.? 

ம தி மு க துணை யா?

ஆமாப்பா ஆமாம்!

ம தி மு க துணைதான்

முழுசா சொல்றேன் கேளுங்க மாணவ மணிகளே.....

ம னம் திருந்திய எனக்கு முருகனே கடைசிவரை துணைஎன்பதை சுருக்கி 

ம தி மு க துணை என்று சொன்னேன் பாலகர்களே..... 

9 முத்தான கருத்துக்கள்

சுமார் ஐந்து லட்சம் வசனங்களைக் கொண்ட மகாபாரதத்தின் சாராம்சத்தை வெறும் ஒன்பதே ஒன்பது வாக்கியங்களில் புரிந்து கொள்ளுங்கள்.!!

நீங்கள் பெண்ணாக இருந்தாலும் சரி, ஆணாக இருந்தாலும் சரி,

நீங்கள் ஏழையாக இருந்தாலும் சரி, பணக்காரராக இருந்தாலும் சரி,

நீங்கள் உங்கள் நாட்டில் இருந்தாலும் சரி, வெளிநாட்டில் இருந்தாலும் சரி,

சுருக்கமாக, ஆற்றியுள்ள மனிதராக நாம் இருப்பதால்,  கீழே உள்ள [மகாபாரதத்திலிருந்து எடுத்து  தொகுத்த..., மதிப்பு மிக்க] "9 முத்தான  கருத்துகளை" படித்து புரிந்து கொள்வோம்;  முடிந்தவரை, நம் வாழ்வில், கடைபிடிப்போம்.!!!

1. உங்கள் குழந்தைகளின் நியாயமற்ற கோரிக்கைகள் மற்றும் ஆசைகளை நீங்கள் சரியான நேரத்தில் கட்டுப்படுத்தவில்லை என்றால், நீங்கள் வாழ்க்கையில் ஆதரவற்றவர்களாகிவிடுவீர்கள்... "கௌரவர்கள்"

2. நீங்கள் எவ்வளவு பலசாலியாக இருந்தாலும், அநீதியை ஆதரித்தால், உங்கள் பலம், ஆயுதங்கள், திறமைகள், ஆசிகள் அனைத்தும் பயனற்றதாகிவிடும்...  "கர்ணன்"

3. உங்கள் பிள்ளைகள் தங்கள் அறிவை தவறாகப் பயன்படுத்தி மொத்த அழிவை ஏற்படுத்தும் அளவுக்கு அலட்சியம் செய்யாதீர்கள்...  "அஸ்வத்தாமா"

4. “அறமற்ற அநியாயக்காரர்களிடம் ... அதிகாரத்திற்கு பணிந்து ஏற்க வேண்டும்” என்பதற்க்காக, எது போன்ற வாக்குறுதிகளையும் ஒருபோதும் கொடுக்காதீர்கள்.. 

"பீஷ்ம பிதாமஹர்"

5. செல்வம், பதவி, அதிகாரம் மற்றும் தவறு செய்பவர்களின் ஆதரவு ஆகியவற்றின் துஷ்பிரயோகம் இறுதியில் மொத்த அழிவுக்கு வழிவகுக்கிறது...  "துரியோதனன்"

6. ஒரு குருடனிடம் அதிகாரக் கடிவாளத்தை ஒருபோதும் ஒப்படைக்காதீர்கள் !! [அதாவது சுயநலம், செல்வம், பெருமை, அறிவு, பற்று அல்லது காமத்தால் குருடனாக இருப்பவர்], அது அழிவுக்கு வழி வகுக்கும்... "திரிதராஷ்டிரன்"

7. அறிவுடன் ஞானமும் இறைவன் துணையும் இருந்தால் நிச்சயம் வெற்றி பெறுவீர்கள்."அர்ஜுனன்".

8. வஞ்சகமும் , சூதும் உங்களை எல்லா நேரங்களிலும் எல்லா விஷயங்களிலும் வெற்றிக்கு அழைத்துச் செல்லாது...  "சகுனி"

9. நீங்கள் நெறிமுறைகள், நீதி மற்றும் கடமையை வெற்றிகரமாக நிலைநிறுத்தினால், உலகில் எந்த சக்தியும் உங்களைத் தீங்கு செய்யாது...  "யுதிஷ்டிரர்"

இந்த கட்டுரை அனைவருக்கும் பயனுள்ளதாக இருக்கும்.

வெந்த சோத்த திங்கணும்

வெந்த சோத்த திங்கணும், விதி முடிஞ்சா சாகணும்.

ஒரு ப்ராம்ஹணரின் அங்கலாய்ப்பு.......‌...Just a fun post ! 

எம்பாட்டுக்கு நன்னா சாப்ட்டு நன்னா தூங்கிண்டு ராமா க்ருஷ்ணான்னு நன்னா போய்ண்ட்ருந்த லைஃப்ல ஹெல்த்த பத்தி சொல்றேன்னு ஆளாளுக்கு கிளம்பி எல்லாரும் அட்வைஸ் பண்ண ஆரம்பிச்சா பாருங்கோ....அன்னிக்கு பிடிச்ச சனி..சனியன் தான்...

ஏழரை நாட்டு சனியாவது மனுஷாளுக்கு ஆயிஸ்ல 3 தரத்க்கு மேல வரவேமாட்டான், அப்படியே மூணு தரம் வந்தாலும் எழரை வருஷம் முடிஞ்சு போய்ட்டு முப்பது வருஷம் கழிச்சுதான் திரும்ப வருவன்.

ஜலதோஷமும் மூணே நாள் தான். 

ஆனா இந்த ஹெல்த் அட்வைஸ்ங்கிற பேர்ல ஆளாளுக்கு அடிக்கற கூத்து இருக்கே..... அப்பாப்பா அது ஆய்ஸ்ஸுக்கும் அக்கப்போர்தான் போங்கோ... 

ஒரு நா, பொழுது விடிஞ்சா அடையற வரைக்கும் நான் படற கஷ்டம் நாய்கூடப் படாது, (இதுவும் ப்டாதுதான்)... போங்கோ... நன்னா தெரிஞ்சுக்கோங்கோ...

சரி..கொஞ்சம் கேக்கறேளா, ரொம்ப தேங்க்ஸ்.

சரி, சொல்றேன் *சிரிக்காம கேளுங்கோ*, சரியா.

விடிகார்த்தாலே எழுந்தோடனே வெறும் வயத்லே முதல்ல ஒரு டம்ளர் ஜலம் குடிக்கணும்னு சொன்னா... சரி..குடிச்சேன்...அப்றம், இல்லே ரெண்டு டம்ளர் வெந்நீர் தான் குடிக்கணும்னா...சரி..குடிச்சேன்...அப்றம், இல்லை வெறும் வெந்நீர் இல்லை.. அதிலே அரைமூடி எலுமிச்சம்பழத்தை பிழிஞ்சு, ரெண்டு சொட்டு தேன் விட்டு குடிக்கணும்னா...சரி..குடிச்சேன்...அப்றம், அதிலே ஒரு துண்டு  இஞ்சிய கொஞ்சம் தட்டி போட்டு குடிச்சா ரொம்ப நல்லதுன்னா... சரி...குடிச்சேன்...ஆக இப்போ கார்த்தால நான் ஜலம் குடிக்கறதையே நிறுத்தியாச்சு ..போங்கோ.

இது ஆச்சா - அப்றம்  வாக்கிங் போகலாம்னு பார்த்தா.... முதலேயே வேகமா நடக்கப்டாது... மெதுவா நடந்து.. அப்புறம் வேகத்தை கூட்டி 🤔 மறுபடியும் முடிக்கறச்சே மொள்ள மொள்ள மொள்ள (டவர்லேர்ந்து ஒரு மணிக்கு ஒரு தரம் ஊர் முழுக்க கேக்றமாதிரி சங்கு ஊதரமாதிரி ) நடக்கணும்னா... சரி நடந்தேன்....வெறும் வாக்கிங்பண்ணா போறாது... எட்டு போட்டு நடக்கச்சொன்னா..சரி.. நடந்தேன்...அதனாலே பலன் பல மடங்கு பெருகும்ன்னு சொல்லி ஒழுங்கா நேரா நடந்துண்டு இருந்தவனை கெடுத்துக் குட்டிச்சுவராக்கி எப்போதும் எட்டுப் போட்டு தலை சுத்த வெச்சு....இப்போ எப்போ எங்கே நடந்தாலும் எட்டுக் கால் பூச்சி மாதிரி வட்ட வட்டமா வளைஞ்சு நெளிஞ்சு நடக்கறதே வழக்கமாயி....அப்றம் எல்லாரும் கேலி பண்ணி... அதனால வாக்கிங்க்கும் ஒரு ஃபுல் ஸ்டாப் வச்சாச்சு...

இது ஆச்சா - காபி, டீ, தொடப்டாதாம்.. பால் நிறைய சேர்த்துக்கப்டா டாதாம்..நாம ஆரோக்யமா, ஆயுஸோட இருக்கணும்னா கண்ராவி கசப்பா கடுங்காஃபியோ, இல்ல க்ரீன் டீயோ, *சக்கரையே போடாம* குடிக்கலாமாம், அதுக்கு நான் வெறுமனே இருந்த்ருவேன்...

அப்புறம் ப்ரேக்பா ஃஸ்ட் இட்லி தோசை, ப்டாது. ப்ரவுன் பிரட், கார்ன் பிளாஃஸ் தான் பெஸ்ட்.. பொங்கல் மாதிரி ஹெவியா சாப்டப்டாது... பூரி படாது..

இன்னும் ஏதேதோ ப்டாது ப்டாதுன்னு சொல்லிச் சொல்லியே அந்த அல்ப ப்ரேக்பா ஃஸ்ட்க்கும் அல்பாயுஸுல சடன் ப்ரேக் போட்டு நிறுத்தியாச்சு ..

ஆச்சா...இப்போ மத்யான போஜனம். நிறைய சாதம் சாப்டாதைக்கு அரைகுறையா வேக வெச்ச கறிகாய், கீரை இல்லேன்னா மைல்டா பொரித்த கூட்டு, அதிகமா உப்பு, புளி, காரம், எண்ணெய் சேர்க்காம நிறைய சூப், "வெஜ்டபிள் ஸலாட்" சேர்த்துக்கலாம்னு சொன்னா சரி... அப்படியே செய்தேன்...  உருளக்ழங்கு ,வாழக்கா, சேனை, சேம்பு, ன்னு பூமிக்கு அடியில விளையற எந்த வஸ்த்வுமே ப்டாதாம்... 🤔.. தயிர் அதுவும் கெட்டியா ப்டாதவே ப்டாதாம்... ஐஸ் வாட்டர் ப்டாதாம்...

ஆச்சா, சரி சாயங்காலம் ஏதாவது "ஸ்நாக்ஸ்" சாப்டலாம்னா எல்லாருக்கும் பிடிச்ச கேசரி, பஜ்ஜி, போண்டா, ஆம/உளுந்து வடை வகைறா, முறுக்கு, தட்டை, உப்பு சீடை, தேங்குழல், ரிப்பன் பகோடா, அதிரசம், திராட்டுப்பால், அல்வா, வெல்லச்சீடை, "திருநவேலி தென்னமரவேர் பெரிய" மனோகரம், "பழைய மொறு மொறு மைசூர்ப்பா" (கோயமுத்தூர் கிருஷ்ணா ஸ்வீட்ஸ்  ப்ராண்ட் காபிரைட் மொளகாப்டி எண்ணெய் கொழச்சா மாதிரி இருக்ற பல்லில்லாதவா சாப்டற மைசூர்ப்பா இல்ல ), திருநவேலி "கடலப்பருப்பு மாலாடு" (பொட்டு/பொரி கடலை மாவு இல்லை), பூந்தி லட்டு, குஞ்சாலாடு, குலாப் ஜாமூன், ஜாங்ரி, ரஸகுல்லா, எள்ளுருண்டை, மோதகம், உப்மா, உப்மா கொழக்கட்டை இத்யாதி, கடலைமாவு, எண்ணெய் பக்ஷண ஸமாசாரமெல்லாம் ப்டாதாம். கலர் கலரா வித விதமான பழங்களை அழகா நறுக்கி ஒரு பெரிய பௌல்ல வெச்சிண்டு, கொரங்கு, அணில், கிளி மாதிரி கொறிச்சு, ரசிச்சு ருசிச்சு, கொஞ்ச கொஞ்சமா கொஞ்சி கொஞ்சி சாப்பிடணுமாம்... எப்டியிருக்கு?... உப்பு போடாம அல்லது ரொம்ப கொஞ்சமா போட்டு சுண்டல் வேணா திங்கலாமாம். 

ஆகமொத்தம் ஸாயங்கால நொறுக்குத்தீனிக்கும்  "கோவிந்தா கோவிந்தா" போட்டாச்சு..  திருப்தியாச்சா ...

அப்றம்,... ராத்ரி ரொம்ப பசிச்சா மட்டும் ஏதாவது லைட்டா சாப்டலாமாம்.. அதுவும் சாதம் ப்டாதவே ப்டாதாம்.. ஓய். (Not why ஓய்) சரியாப்போச்சுங்காணும்...  போனாப்போறது வேணுமானா ரெண்டு சுக்கா ரொட்டி, "தால்ல" (பருப்பு) முக்கி முக்கி சாப்டலாமாம்... எப்படியிருக்கு?. 

அப்றம்,....ராத்ரி பால் குடிக்கப்டாதாம்.. வேணும்னா ஒரு டம்ளர் வெந்நீர்/வெண்ணை எடுத்த மோர் குடிக்கலாமாம் எப்டியிருக்கு?

அதுக்கப்றம் தூங்றதுக்கும் தடா.. 

இடது பக்கம் தான் ஒருக்கிளுச்சு படுக்கணும்... அப்போதான் இதயம் இயல்பா இருக்கும்னு சொன்னா.. சரி.. படுத்தேன்... 

அப்றம் வலது பக்கம் ஒருக்கிளுச்சு படுத்தாத்தான் கொழுப்பு ஜீரணமாகும்னு சொன்னா..சரி.. படுத்தேன்... 

அப்றம்,... மல்லாக்கா படு அப்போதான் பார்கின்சன், அல்சைமர் எல்லாம் வராதுன்னா...சரி.. படுத்தேன்...

இல்லேயில்லே குப்ற படுத்தால்தான் நல்லது.. தொப்பை வராது.. ஒபிசிட்டி வராதுன்னு சொன்னா.. சரி.... படுத்தேன்.

ஆக மொத்தம் ஆறு மணிநேர அரகுற தூக்கமும் அப்படியே அம்போன்னு போயே போச்சு.

அடேய்ய்...! அடங்குங்கடா எல்லாரும்... 

இப்படி எதுவுமே சாப்டாம ஆரோக்யமா ஆய்ஸோட இருந்து ஒண்ணும் கிழிக்க வேணாம்.

வெந்த சோத்த திங்கணும், விதி முடிஞ்சா சாகணும்ன்னு எனக்கு  பிடிச்சதை எப்பவேணா, எவ்ளவு வேணா சாப்ட்டு.. சந்தோஷமா எப்போதும் போல 'ஜாலிலோ ஜிம்கானா' ன்னு ப்ரிய கானன சஞ்சரனா* தின்னு கெட்டானே திருநவேலிப்பாப் னேன்னு (எனக்குப் (பிடித்த பாட்டை பாடிக்கொண்டு திரிபவன் என்று  ப்ரிய கானன சஞ்சரனுக்கு தமிழ்ல நேர் அர்த்தம்) பாடிண்டு போயிண்டே இருக்கேன்டாப்பா .. 

போடா போ போக்கத்தவா...!

நீயும் உன்னோட உருப்படாத ஹெல்த் அட்வைஸும் யாருக்கு வேணும்?....

ராமராம🙏 ராமராம🙏 ராமராம 🙏

அம்பாள்

வெற்றி பெறச் சொல்ல வேண்டிய மூன்று ரதங்களின் பெயர்கள்

மூன்று ரதங்களின் பெயர்கள்

அம்பாளைப் பற்றிய சகல விவரங்களையும் லலிதா சஹஸ்ர நாமத்தில் வரும் 1000 நாமங்கள் தருகின்றன.

அதில் மூன்று ரதங்களின் பெயரைச் சொன்னாலேயே நமக்கு வெற்றி கிடைக்கும் என்கின்ற ரகசிய செய்தி ஒன்றும் உண்டு.

யாருடைய ரதங்கள் அந்த  மூன்று?

அம்பாள், மந்த்ரிணீ மற்றும் வாராஹீ.

அம்பாளுடைய ரதம்- சக்ரராஜ ரதம்.

மந்த்ரிணீயுடைய ரதம் - கேய சக்ர ரதம்

வாராஹியினுடைய ரதம் - கிரி சக்ர ரதம்.

இந்த மூன்று ரதங்களின் பெயரைச் சொன்னாலேயே சொன்னவருக்கு வெற்றி தான்! கேட்டாலும் கேட்டவருக்கு வெற்றியே!

சக்ரராஜ ரதோயத்ர தத்ர கேய ரதோத்தம: |

யத்ர கேய ரதஸ் தத்ர  கிரி சக்ர ரதோத்தம: ||

ஏதத் ரத த்ரயம் தத்ர த்ரை லோக்யமிவ ஜங்கமம் |||

ஸம்பத்கரீ

66வது நாமமாக ஸஹஸ்ர நாமத்தில் வருவது இது:

ஸம்பத்கரீ சமாரூட சிந்துவ்ரஜ சேவிதா

இதன் பொருள்:

ஸம்பத்கரீ தேவியின் ஆக்ஞைக்கு உட்பட்ட யானைகளின் கூட்டத்தால் வணங்கப்படுபவள்.

ஸம்பத்கரீ தேவியானவள் அம்பாளின் சதுரங்க சேனை பலத்தில் யானை சைன்யத்திற்கு அதிகாரி.

அம்பாளின் ஆயுதங்களில் அங்குசத்திலிருந்து உருவானவள் இவ்ள்.

ஸம்பத்கரியின் வாகனமான யானைக்கு ரணகோலாஹலம் என்று பெயர்.

சுகசம்பத்யமான சித்த விருத்திக்கு ‘ஸம்பத்கரீ’ என்று பெயர். 

அதற்கு ஆதாரமான சப்தாதி விஷயங்களை யானைகளுக்கு சமமாக சொல்லப்பட்டிருக்கிறது.  அவைகளால் வணங்கப்படுபவள் என்பது பொருள்.

சுக சம்பத்கரீ என்றால் என்ன?

ஞானம் (அறிவு) ஞாத்ரு (அறிகின்றவன்), ஞேயம் (அறியப்படும் பொருள்)

 ஆகிய இந்த மூன்றுக்கும் த்ரிபுடீ என்று பெயர்.

இந்த மூன்றின் வித்தியாசங்களைத் தெரிந்து கொண்டு அவற்றை சம்பந்தப்படுத்தும் ஞான ரூபமான சித்தவிருத்திக்கு ‘‘சுக சம்பத்கரீ’ என்று பெயர்.

அஸ்வாரூடா

67வது நாமமாக வருவது இது:

அஸ்வாரூடாதிஷ்டிதாச்வ கோடி கோடிபிராவ்ருதா

அஸ்வாரூடா தேவியின் ஆக்ஞைக்கு உட்பட்ட கோடி கோடிக் கணக்கான குதிரைகளைக் கொண்டவள்.

அம்பாளுடைய சதுரங்க சேனா பலத்தில் அஸ்வாரூடா தேவி குதிரை சைனியங்களுக்கு அதிகாரியாக நியமிக்கப்பட்டவள்.

அம்பாளுடைய ஆயுதங்களில் பாசத்திலிருந்து ஆவிர்பவித்ததால் அஸ்வாரூடா தேவியின் குதிரைக்கு அபராஜிதம் என்று பெயர்.

மந்த்ரிணீ, தண்டிணீ

அம்பாளுடைய சக்திகளில் மிக முக்கியமாக அருகிலேயே இருப்பவர்கள் இருவர்.

1) மந்த்ரிணீ 

2) தண்டிணீ

மந்த்ரிணீ, தண்டிணீயைத் தாண்டி அவர்கள் உத்தரவு இல்லாமல் யாரும் அம்பாளை அணுக முடியாது.

இவர்களே மிக முக்கியமானவர்கள்.

ஸம்பத்கரீ, அஸ்வாரூடா போன்றவர்கள் இவர்களுக்கு உட்பட்டுத்தான் இருப்பர்.

இந்த இருவரும் எப்போதும் அம்பாளின் சந்நிதியில் இருப்பதாகவும் அம்பாளின் சேவையில் ஈடுபட்டிருப்பதாகவும் சொல்லப்படுகிறது.

மந்த்ரிணீ தேவதை அம்பாளுக்கு பிரதான மந்திரி ஸ்தானம் வகிப்பவர். சங்கீதத்திற்கு அதிஷ்டான தேவதை ராஜ ச்யாமலை மற்றும் ஸங்கீத ச்யாமலை என்று பெயர்.

மந்த்ரிணீயிடம் அம்பாள் தனது ராஜ்ய பொறுப்பு அனைத்தையும் தந்து விட்டதாக 786வது நாமத்தின் மூலமாக நாம் அறிய முடிகிறது. (மந்த்ர்ணீ ந்யஸ்த ராஜ்ய தூ:- 786)

சக்ரராஜ ரதம்

சக்ரராஜ ரதாரூட ஸ்ர்வாயுத பரிஷ்க்ருதா (68வது நாமம்)

இதன் பொருள்:

சக்ரராஜ ரதத்தில் ஆரூடமாயிருக்கும்படியான சம்ஸ்த ஆயுதங்களினால் அலங்கரிக்கப்பட்டவள்.

யுத்த காலத்தில் தேவிக்கு சமீபத்தில் சகல விதமான ஆயுதங்களும் சக்ர ராஜ ரதத்தில் தயாராக வைக்கப்பட்டிருக்கும்.

அம்பாளின் ரதத்தின் கொடிக்கு ‘ஆனந்த த்வஜம்’ என்று பெயர்.

இந்த ரதத்திற்கு 9 தட்டு உண்டு. 10 யோஜனை உயரம், 4 யோஜனை அகலம் கொண்ட ரதம் இது.

சக்ர ராஜ ரதம் என்பதற்கு இன்னொரு பொருளும் உண்டு. அதாவது இதுவே ஶ்ரீ சக்கரம் ஆகும்.

ஶ்ரீ சக்கரத்திலும் 9 பீரிவுகள் உண்டு.

1) த்ரைலோக்ய மோஹனம்

2) சர்வாசா பரிபூரகம்

3) சர்வசம்சேக்ஷாபணம்

4) சர்வ சௌபாக்யதாயகம்

5) சர்வார்த்தசாதகம்

6) சர்வரக்ஷாகரம்

7) சர்வரோகஹரம்

8) சர்வஸித்திப்ரதம்

9) சர்வானந்தமயம்

ஶ்ரீ சக்கரத்தில் உள்ள பிந்துவே அம்பாளின் இருப்பிடம்.

இதில் இருக்கும் ஆயுதங்கள் ஆத்ம ஞானம் அடைவதற்கான சாதனங்கள் என்று பொருள் கொள்ள வேண்டும்.

ஆதமஞானம் அடைவது நிச்சயம். சக்தரஸித்தி ஏற்படுகிறது. அதுவே யோகம் என்று கூறப்படுகிறது.

சக்ர ராஜம் என்பது ஆறு அதாவது ஷட் சக்கரங்களை, ரத - ஆதாரமாகக் கொண்டது சக்ர ராஜ ரதம்.

இதை சக்ரேசத்வம் என்றும் கூறுவர்.

சகல ஆயுதங்களையும் கொண்டு அந்த ஷட் சக்கரங்களை அடக்க முடியும். இதை சுத்த வித்யா என்று கூறுவர்.

கேய சக்ர ரதம்

அடுத்து 69வது நாமம் இது:

கேய சக்ர ரதாரூட மந்த்ரிணீ பரிஸேவிதா

இதன் பொருள்:

கேய சக்ரம் என்ற ரதத்தில் ஆரோஹணம் செய்திருக்கும் மந்த்ரிணீ தேவியால் வலம் வந்து சேவிக்கப்பட்டவள்.

இந்த ரதத்திற்கு 7 தட்டுகள் உண்டு.

கேய - பிரசித்தமான

சக்ர - சக்கரத்தை உடைய

ரதம் - ரதமான சூர்ய மண்டலம்

இதில் ஆரூடர்களாக இருக்கும்படியான மந்த்ரிணீ ஶ்ரீ வித்யா உபாசகர்களால் வணங்கப்படுபவள்.

இன்னொரு பொருள்

கேய - முக்கியமான

சக்ர ரதா - சக்ராகாரமான ரதத்தில் வீற்றிருக்கும் அம்பாளை

ஆரூட - புத்தியில் அநுசந்தானம் செய்யும்

மந்த்ரிணீ - மந்திர சித்தி உடையவர்களால் வணங்கப்படுபவள்.

கிரி சக்ர ரதம்

அடுத்த 70வது நாமம் கிரி சக்ர ரதாரூட தண்டநாத புரஸ்க்ருதா

இதன் பொருள்:

கிரி சக்ரம் என்கின்ற ரதத்தில் ஆரோஹணம் செய்திருக்கும் தண்டநாதையை முன்னிட்டிருப்பவள்.

கிரி என்றால் வராஹம் என்று பொருள். தண்டநாதையின் ரதம் வராஹ வடிவத்தில் இருப்பதால் அதற்கு கிரி சக்ர ரதம் என்ற பெயர் ஏற்பட்டிருக்கிறது.

வாராஹிக்கு தண்டநாதை என்று பெயர்.

கிரி - கிரணங்கள் அதாவது சிருஷ்டி, ஸ்திதி, லயம் ஆகியவற்றின்

சக்ரம் - சமூகமாகிய ரதத்தில்

ஆரூட - ஏறி இருந்தவளாக இருப்பினும்

தண்டநாத - யமனால்

அபரஸ்க்ருதா - ஸ்வாதீனம் செய்யப்படாதவள்.

அதாவது ஒரு யோகியானவன் சிருஷ்டி, ஸ்திதி, லயம் ஆகியவற்றில் அகப்பட்டிருந்தாலும் கூட அவன் யம வாதனைக்கு உட்பட்டவன் அல்ல என்பது பொருள்.

வெற்றிக்கு வழி :: 

அம்பாளின் ரதம் மற்றும் முக்கிய இரு தேவதைகளின் ரதம் ஆகியவற்றின் பெயரை தினமும் கூறுவோம்; வெற்றியைப் பெறுவோம்.

மேற்கண்ட வியாக்யானங்கள் திரு ஜி.வி.கணேச ஐயர் அவர்களால் ஆர்யதர்மம் பத்திரிகையில் எழுதப்பட்டவை.

லலிதா சஹஸ்ரநாமத்தை பாஸ்கரராயரின் பாஷ்யத்திற்கு இணங்க அவர் அற்புதமாக விரிவுரை ஒன்றை ஆயிரம் நாமங்களுக்கும் எழுதினார்.

இது 1938ஆம் ஆண்டு நவம்பர் மாதம் 11ஆம் தேதி புத்தகமாக வெளி வந்தது.

அதில் தரப்பட்ட விளக்கத்தையே இந்தக் கட்டுரை மாறுதலின்றி தற்கால நடையில் தருகிறது. ஶ்ரீ ஜி.வி. கணேச ஐயருக்கு நமது அஞ்சலியும் நன்றியும் உரித்தாகுக!

ஸ்ரீரங்கம் பரமபத வாசல்

வேளுக்குடி ஸ்ரீ கிருஷ்ணன் தகப்பனார் வேளுக்குடி வரதாச்சாரியரும் மிகச் சிறந்த வைஷ்ணவப் பேரறிஞர். இந்தியாவில் இவரது சொற்பொழிவு நடக்காத ஊரே இல்லை. 

இவரிடம் ஒரு விசேஷம்... என்ன பேச வேண்டும் என்று முன்கூட்டியே தலைப்பு கொடுக்க வேண்டிய அவசியமில்லை இவருக்கு. 

அந்தச் சமயத்தில் என்ன தலைப்பு கொடுக்கிறார்களோ, அதற்கேற்பச் சரளமாகவும், விஷய ஞானத்துடனும் சுவையாகப் பேசி அசத்துவதில் மன்னனாகத் திகழ்ந்தார் இவர். அத்தனைப் பாண்டித்யம்!

ஒரு முறை, "இப்போது வேளுக்குடி வரதாச்சாரியர் ஸ்வாமி அவர்கள், 'மொட்டைத் தலைக்கும் முழங்காலுக்கும்' என்பது பற்றிப் பேசுவார்கள்" என்று ஒரு மேடையில் எகிடுதகிடாக அறிவித்துச் சிக்கலில் மாட்டிவிட்டார் நிகழ்ச்சி அறிவிப்பாளர். 

ஆனாலும், அசரவில்லை வரதாச்சாரியர். மடை திறந்தது போல், அதே தலைப்பிலேயே சொற்பொழிவாற்றத் தொடங்கினார்.

"தலையை மொட்டை அடித்துக் கொள்வது எதற்குத் தெரியுமா? நான் துளியும் அகங்காரம் இல்லாதவன் என்று காண்பிப்பதற்காகத்தான். ஒருவன் ஒரு பந்தயத்தில் தோற்று விட்டால் மொட்டையடித்துக் கொள்வான். இவன் அவனிடத்தில் தோற்று விட்டான் என்பதற்கான அடையாளம் அது. 

திருப்பதிக்குச் சென்று மொட்டையடித்துக் கொள்கிறார்களே, எதற்கு? ‘என் அகங்காரம் அழிந்து விட்டது. நான் உனக்கு அடிமைப் பட்டவன்’ என்று பகவானிடம் தெரிவிப்பதற்கு.

அப்படிச் செய்து விட்டானானால், அவனுக்குப் பிறவிப் பெருங்கடல் முழங்கால் அளவுக்கு வற்றிவிடும். இதைத் தெரிவிக்கத்தான், 

திருப்பதியில் எழுந்தருளியுள்ள ஸ்ரீனிவாசன், வலது திருக் கரத்தால் தனது வலது திருவடிகளைச் சுட்டிக் காட்டி, ‘அகங்காரம் அற்றவனாக எனது திருவடிகளில் விழு’ என்றும், இடது திருக் கரத்தால் தனது முழங்காலைத் தொட்டு, ‘நீ அப்படிச் செய்தால், உனது பிறவியாகிய கடல் முழங்கால் அளவுக்கு வற்றி விடும்’ என்றும் குறிப்பால் உணர்த்துகிறார்...’ என்கிற ரீதியில் இரண்டு மணி நேரத்துக்கும் மேலாக வெளுத்து வாங்கி விட்டார்.

இப்படி ஓர் அசாத்தியத் திறமை இருந்ததால்தான், அவருக்கு ‘வாகம்ருத வர்ஷீ’ (சொல் அமுதக் கடல்) என்கிற பட்டம் கிடைத்தது.

நம்மாழ்வார் பிறந்த தலமான ஆழ்வார் திருநகரியில், அவர் அருளிச் செய்த திருவாய்மொழியின் 1000 பாடல்களைப் பற்றியும் தொடர்ந்து ஒரு வருட காலத்துக்கு உபன்யாசம் செய்துள்ளார் வரதாச்சாரியர். 

இது ஒரு சாதனை!

இதிலேயே இன்னொரு சாதனையையும் செய்தார் அவர். ஒரே நாளில் இடைவிடாமல் 24 மணி நேரத்துக்கு, திருவாய்மொழியின் பொருளை உபதேசித்தார். அப்போது அவருக்கு வயது 60.

சொற்பொழிவின் இடையே, விடியற்காலை 3 மணிக்கு, வயதின் காரணமாக அவருக்குச் சற்றே தளர்ச்சி ஏற்பட்டது. ஆயினும் அதைப் பொருட்படுத்தாமல் தொடர்ந்து உபன்யாசம் செய்து கொண்டு இருந்தார். மேலே தொடர முடியாமல், தொண்டை கட்டிக் கொண்டது. உடனே மருத்துவர்கள் வரவழைக்கப்பட்டார்கள். அவர்கள் வரதாச்சாரியரைப் பரிசோதித்து விட்டு, ‘உபன்யாசத்தை உடனே நிறுத்திvவிடுங்கள். இல்லாவிட்டால் உங்கள் உயிருக்கே ஆபத்தாக முடியும்’ என்று அறிவுறுத்தினார்கள்.

ஆனாலும், அவர் அதைப் பொருட்படுத்தாமல், உபன்யாசத்தைத் தொடர்ந்து, திட்டமிட்டபடி காலை 6 மணிக்குதான் நிறைவு செய்தார்.

1991-ஆம் ஆண்டு, சென்னை பத்மா சேஷாத்ரி பள்ளியில், மார்கழி 30 நாட்களும் திருப்பாவை உபன்யாசம் செய்தார் வரதாச்சாரியர். அதை முடித்து விட்டு நேரே ஸ்ரீரங்கம் போனார். அங்கே ஸ்ரீ ரங்கநாதனுக்குத் திருவாராதனம் நடந்து கொண்டு இருந்தது. அதை ஒரு மணி நேரம் போல் கண்டு களித்து விட்டு, பிரசாதங்கள் பெற்றுக் கொண்டு, கோயிலைப் பிரதட்சணம் வந்தார். ஸ்ரீரங்கம் பரமபத வாசலை அடைந்த போது, மயங்கி விழுந்தவர்தான்; அப்படியே ஸ்ரீரங்கனின் திருவடிகளை அடைந்து விட்டார்.

அகங்காரம் ~ Ego

ஒரு நண்பர் சொன்னது:

உறவுக்காரர் ஒருவர் உடம்பு சரியில்லாமல் படுத்தப்படுக்கையில் இருப்பதாக கேள்விப்பட்டதும்,  போய் பார்க்க வேண்டும் என்று என் மனம் ஏங்கியது.  காரணம்,  பல வருடங்களாக எங்கள் இரு குடும்பத்தாருக்கும் நாங்கள் செய்யாத ஒரு குற்றத்தால் பழி வந்து, அதனால் பேச்சு வார்த்தை இல்லை. "போய் ஒரு தடவை பார்த்துட்டு வரலாங்க" என்றாள் என் மனைவி. 

"முகம் கொடுத்து பேசாதவங்க, இப்போ அவங்க  வீட்டுக்கு நாம் போனால் உள்ளே விடுவார்களோன்னு தெரியாது" என்றேன்.

"பரவாயில்லங்க போய் பார்க்க வேண்டியது நம் கடமை" என்றாள் மனைவி. "சரி வா கிளம்பு போகலாம்" என்று சொன்னதும் புறப்பட தயாரானாள். அங்கே  போனதும் நாங்கள் பயந்த மாதிரி ஒன்றும் நடக்கவில்லை. நிறைய உறவினர்கள் அங்கே படுக்கையை சுற்றி இருந்தார்கள். நாங்கள் அவரிடம் பேச முற்பட்டபோது அவரின் மகள், "அப்பாவுக்கு பேச முடியாது, யார் சொல்வதும் காதால் கேட்க முடியாது, கண் திறந்து பார்க்கவும் முடியாது" என்று அழுதுகொண்டே  சொன்னாள்.

இதை கேட்டதும் நாங்கள் மிகவும் வருந்தினோம். நல்ல நினைவுடன் இருந்தபோது, அகங்காரம் (Ego) ஒரு மனிதனை எப்படி பாடாய் படுத்தியது. 

இப்போ யார் வந்திருக்கிறார்கள், என்ன சொல்கிறார்கள், தான் நினைத்ததை சொல்லவும் முடியாமால், ஒன்றுமே தெரியாத உடல் நிலை.

மனதை தேற்றிக்கொண்டு எல்லோருக்கும் ஆறுதல் வார்த்தைகளை சொல்லிவிட்டு நாங்கள் வீடு திரும்பினோம்.

மறுநாள் காலையில் அவரின் மகளிடம் இருந்து வந்த செய்தி "அப்பா நேற்று இரவு 11மணிக்கு  காலமாயிட்டார்."

இது தான் மனித வாழ்க்கை. உறவுகளிடையே விட்டு கொடுக்கும் மனப்பான்மையுடன் வாழ முயற்ச்சிப்போம் நண்பர்களே.

Enayum, Thunayum

The dwindling number of Iyers. with their family relations.

Earlier, there were joint families with grandparents and grandchildren.

There were siblings. 

Now, most have a single child without “enayum, thunayum".

The following terms, very soon will be of the bygone days:

Atthaan [son of father’s sister], atthanka [daughter of father’s sister], ammaanji [maternal uncle’s son], ammanka [maternal uncle’s daughter], Atthai [father’s sister], Chitthappa [father’s younger brother, husband of mother’s younger sister], periyappa [father’s elder brother, husband of mother’s elder sister], maama [mother’s brother], maami [wife of maama], Atthimber [elder sister’s husband, atthai’s husband], Orppadi [wife of husband’s brother], thankai [younger sister], akka [elder sister], manni [wife of elder brother]. Atthaamanni [wife of atthaan], ammaanji manni [wife of ammaanji], kollupaatti [great grandmother], kolluppaatta [great grandfather], shaddakan [husband of wife’s sister], Matchinnan [ brother of wife], matchinni [sister of wife].

Parents, as a concession, solemnize the Upanayanam [Poonal ] of their sons. 

Most boys  do not even know  what achamanam is, let alone know what is sandyavandanam.

The names of nakshtram, months, thithis, weekdays were taught in mother-tongue. 

It was recited at dusk on lighting the Nilavilakku by grandparents and elders at home.

We move out of our homes  for our daily bread as well as for  greener pastures. 

It causes erosion and corrosion in our culture. Self-preservation is the law of Nature.

சகல நோய்களும் தீரும்

நோய் தீர்க்கும் திருப்புகழ் பாடல்

ஒரு டம்ளர் ஆறிய நீரில் சிட்டிகை விபூதியை இட்டு, வலது கையால் மூடிக் கொண்டு இந்தப் பாடலை ஆறு முறை ஓதி, அந்த நீரை அருந்தினால் சகல நோய்களும் தீரும். எந்த நோயும் நெருங்காது.

அருணகிரிநாதரின் திருப்புகழ், திருத்தணித் தலத்தில் பாடப்பட்ட சகல ரோக நிவாரணி

"இருமலு ரோக முயலகன் வாத மெரிகுண நாசி விடமேநீ 

ரிழிவுவி டாத தலைவலி சோகை யெழுகள மாலை யிவையோடே 

பெருவயி றீளை யெரிகுலை சூலை பெருவலி வேறு முளநோய்கள்

பிறவிகள் தோறு மெனைநலியாத படியுள தாள்கள் அருள்வாயே

வருமொரு கோடி யசுரர்ப தாதி மடியஅ நேக இசைபாடி

வருமொரு கால வயிரவ ராட வடிசுடர் வேலை விடுவோனே 

தருநிழல் மீதி லுறைமுகி லூர்தி தருதிரு மாதின் மணவாளா 

சலமிடை பூவி னடுவினில் வீறு தணிமலை மேவு பெருமாளே!"

மேலேயுள்ள அனைத்து நோய்களும் நீங்கும்.

ஓம் சரவணபவ 

மீனாக்ஷி

"அம்மாடி!! மீனாக்ஷி!! ராஜ உத்தரவு!! மடப்பள்ளில நிறைய நைவேத்யம் பண்ணனும்!! முடியல்லே!! சித்த தூங்கிக்கறேன்!! மறக்காத நேரத்துக்கு எழுப்பிடுடீ!! மறந்துடாதே" மீனலோசனையின் மீதுள்ள அதீதமான உரிமையால் ஶ்ரீநிவாஸர் *தேவிக்கே உத்தரவிட்டு*, மடப்பள்ளியை உள்பக்கமாய் தாழ் போட்டுக்கொண்டு உறங்கிப்போனார்.

தடதடவென சத்தம்!! "யார் மடப்பள்ளி கதவை இப்படி உடைக்கறது!!" கோபத்துடன் எழுந்த ஶ்ரீநிவாஸர் கதவைத் திறந்து பார்த்தால் ராஜ ஸேவகர்கள்!!

"என்னங்கானும்!! நீர் கதவை அடைச்சுண்டு உள்ள என்ன பண்றீர்!! காலத்துக்கு அம்பாளுக்கு நைவேத்யம் ஆக வேண்டாமா!! குருக்கள் காத்துண்ட்ருக்கார்!! நைவேத்யம் எடுத்துண்டு வாங்கோ!!" ராஜ ஸேவகர்களோடு வந்த பட்டரின் குரல்.

"ஐயோ!! மீனாக்ஷி!! கைவிட்டுட்டியேடீ!! எழுப்பி விடுன்னு சொன்னேனே!! ஒரு நைவேத்யமும் தயாராகலையே!! நான் என்ன பண்ணுவேன்!! அம்மா!! ராஜ தண்டனை தான் எனக்கு இன்னிக்கு!!" பயத்திலும் அதிர்ச்சியிலும் உறைந்தார் ஶ்ரீநிவாஸர்.

"நகருங்காணும்!!" பட்டரொடு நான்கைந்து பேர் நுழைந்தனர் உள்ளே!!

"ஆஹா!! சக்கரைப் பொங்கல்!! தேங்காய் சாதம்!! புளியஞ்சாதம்!! எலுமிச்சை சாதம்!! போளி!! வடை!! பால் பாயசம்!! ஒன்னு பாக்கியில்லையே ஓய்!! இத்தனையும் தனியாவா பண்ணேள்!! ஒன் சிஷ்யாள்ல்லாம் “அண்ணா கதவை சாத்திண்டார்!! எப்படி திறக்கறதுன்னு தெரியல்லேன்னு புலம்பிண்ட்ருந்தாளே!!" சொன்னவரின் கண்கள் சர்க்கரை பொங்கலிலும், போளியிலுமே இருந்தது.

மீனாக்ஷிக்கு நைவேத்யம் ஆனதும் ஸோமசுந்தரன் இதை சாப்டறானோ இல்லையோ, நாம சாப்டுடனும். அவர் மனது துடித்துக் கொண்டிருந்தது.

ஶ்ரீநிவாஸருக்கு ஒரே குழப்பம்!! "என்னதிது!! நாம தான் எழுந்துக்கவே இல்லையே!! யார் இதெல்லாம் பண்ணிருப்பா!!" நிகழ்வின் ப்ரமிப்பில் ஶ்ரீநிவாஸர் விலகவில்லை.

"உம் கைக்கு தங்க மோதரம் போடணும் ஓய்!! வாரும்!! மீனாக்ஷிக்கு தீபாராதனை ஆகப்போறது!! பார்ப்போம்!!" எல்லோரும் சிவ ராஜமாதங்கியின் ஸந்நிதிக்கு விரைந்தனர்.

குருக்கள் அம்பாளுக்கு நைவேத்யம் செய்து பின் தீபாராதனைக்கு திரையை விலக்கினார்.

"ஐயோ!! மாணிக்க மூக்குத்தி காணுமே!! அம்மா!! மீனாக்ஷி!! என்னடி சோதனை இது!!" குருக்களின் கதறல் மீனாக்ஷி கோவிலுக்கு வெளி வரை எதிரொலித்தது.

மீனலோசனையின் அழகையே மெருகூட்டும் மூக்குத்தி தொலைந்த துக்கம் ராஜாவிற்கும், மற்ற அனைவருக்கும்!! ஶ்ரீநிவாஸருக்கோ நடப்பதைக் கண்டு பயம்!! அபசாரம் நிகழ்ந்ததோ என்று!!

அசரீரி கேட்டது...

"அஞ்சற்க!! என் பிள்ளை ஶ்ரீநிவாஸன் சரீர களைப்பால் என்னை எழுப்பிவிடச் சொல்லி உறங்கிப்போனான்!! காலத்தில் எழுப்பிடத் தான் நானே சென்றேன்!! அயர்ந்து அவன் உறங்குவதைக் கண்ட நான் அவனை எழுப்ப மனமில்லாது மடப்பள்ளிக்குள் சென்றேன். துளி வெளிச்சமும் இல்லாத இம்மடப்பள்ளியில் சமைப்பதற்கு வெளிச்சம் வேண்டுமே என்று எனது மூக்குத்தியை கழற்றி வைத்து, அதன் ஒளியில் நானே எனது நைவேத்யங்களை சமைத்தேன்!! குழந்தை உறங்குவதைக் கண்ட தாய் அதனை எழுப்புவாளோ!! அவனால் செய்ய வேண்டிய பணி என்னால் முடிக்கப்பட்டது!! மடப்பள்ளிக்கு சென்று பாருங்கள் !! மூக்குத்தி இருக்கும் !!" சட்டென நின்றது அசரீரீ.

நடப்பது கனவா நினைவா என யோசிப்பதற்க்குள் மீனாக்ஷி மூக்குத்தி மடப்பள்ளியிலிருந்து வந்தது.

"அம்மா!! மீனாக்ஷீ!!" ஶ்ரீநிவாஸர் கண்களில் ஜலம் பெருக கதறி மீனாம்பாளின் பாதத்தில் விழுந்தார். "அம்மா!! அம்மா!!ன்னு ஸதா கூப்பிட்டதற்கு நீயே எனக்காக நைவேத்யம் சமைச்சிருக்கியே!! தாயே!! நான் என்ன பாக்யம் பண்ணேன்!!" கண்ணீர் கண்களை மறைக்க கதறினார் ஶ்ரீநிவாஸர்.

"தாயே!! மீனாக்ஷீ!! தாயே!! மீனாக்ஷீ!!" லக்ஷக்கணக்கான ஜனங்கள் நடந்த அதிசயத்தைக் கண்டு திரண்டனர் கோவிலில்!!

ராஜனும் அமைச்சரும் ஶ்ரீநிவாஸரை ஸாஷ்டாங்கமாய் நமஸ்கரித்தனர் "ஸ்வாமீ!! நீரே மீனாக்ஷி!! மீனாக்ஷியே நீங்க!!" வேறொன்றும் சொல்லத் தோணவில்லை யார்க்கும்!!

"மீனாக்ஷி!! மீனாக்ஷி!!" திக்கெட்டும் அம்மையின் நாமம் ஒலித்தது.

ராஜராஜேச்வரியான மாதங்கிக்கு தீபாராதனை காட்டப்பட்டது.

"பாகம் செய்து என் நாவை பாடவும் செய்தாய் தாயே

ஊகமிலார்க்கு இன்னும் உதவினாய் சோகந்தீர் நாதநலம் நாட்டுகின்ற நான்மறையாம் தண்டை சேர்பாதநிழல் யான் தங்கப்பண்"

ஶ்ரீநிவாஸரின் நா பாடத்தொடங்கியது!! ஆம் கல்வியறிவு இல்லாத ஶ்ரீநிவாஸர் கவிஶ்ரீநிவாஸர் ஆனார்.

காமாக்ஷி பட்டாரிகை மூககவிக்கருளியது போல், அகிலாண்டநாயகி காளமேகத்திற்கு அருளியது போல், மீனாக்ஷம்மை ஶ்ரீநிவாஸர்க்கு அருளி விட்டாள்.

படிப்பறிவில்லா ஶ்ரீநிவாஸர் பராசக்தி கடாக்ஷத்தால் கவிமாரி பொழிந்தார்.

"மீனாக்ஷி!! மீனாக்ஷி!!" நாமம் ஒன்று போதாதோ!! மோக்ஷமே கைமேல்!!

ஶ்ரீமாத்ரே நம:

வக்த்ரலக்ஷ்மீ பரிவாஹ சலன்மீனாப லோசனாயை நம:

காமாக்ஷ்யை நம:

லலிதாம்பிகாயை நம:

கிணறு

நம் முன்னோர்கள் எதை செய்தாலும் கண்டிப்பாக அதில் ஆயிரம் நன்மைகள் இருக்கும் நமக்கு.

நமது முன்னோர்களின் விஞ்ஞான அறிவு மிகவும் வியப்பாக இருக்கிறது.

அந்த காலத்தில் எப்படி எந்த டெக்னாலஜியும் இல்லாம கிணறு வெட்டுனாங்க?

கிணறு அமைப்பது என்பது அத்தனை எளிதான காரியமில்லை. பலர் சேர்ந்து உழைத்து உருவாக்கிட வேண்டிய ஒன்று.

ஒரு வேளை தோண்டிய கிணற்றில் தண்ணீர் வராமல் போய்விட்டால் அத்தனை உழைப்பும் வீணாகி விடும். அதே போல கோடையில் கிணற்றில் நீர் வறண்டு போகும் வாய்ப்பும் உள்ளது. ஆனால் இவற்றிற்கெல்லாம் எளிய இலகுவான தீர்வுகள் இதோ:

மனையின் குறிப்பிட்ட ஏதாவது ஒரு பகுதியில் அதிகளவு பச்சை பசேலென புற்கள் வளர்ந்திருந்தால், அந்த இடத்தில் கிணறு தோண்ட குறைந்த ஆழத்தில் நீரூற்று தோன்றும் என்கின்றனர்.

சரி நீரூற்று இருக்கும. ஆனால் நல்ல நீரூற்று என அறிவது எப்படி ?

நவதானியங்களை இறைத்து கிணறு வெட்ட வேண்டிய நிலத்தில் முதல் நாள் இரவு தூவி விடவேண்டும். அடுத்த நாள் கவனித்தால் எறும்புகள் இவற்றை சேகரித்து ஒரே இடத்தில் கொண்டு சென்று சேர்த்த அடையாளங்கள், அதாவது தடயங்கள் இருக்குமாம். அந்த இடத்தில் கிணறு வெட்டினால் தூய சிறப்பான நன்னீர் கிடைக்கும் என்கிறார்கள்.

சரி தூய நீரும் கண்டு கொண்டாயிற்று. கோடைகாலத்திலும் வற்றாத நீர் ஊற்று எந்த இடத்தில் இருக்கிறது என்று அறிவது எப்படி?

கிணறு வெட்ட இருக்கும் நிலப்பகுதியை நான்கு பக்கமும் அடைத்து விட்டு பால் சுரக்கும் பசுக்களை அந்த நிலத்திற்க்குள் மேய விட வேண்டும். பின்னர் அந்த பசுக்களை கவனித்தால் மேய்ந்த பின் குளிர்ச்சியான இடத்தில் படுத்து அசை போடுகின்றனவாம்.

அப்படி அவை படுக்கும் இடங்களை நான்கு, ஐந்து நாட்கள் கவனித்தால் அவை ஒரே இடத்தில் தொடர்ந்து படுக்குமாம். அந்த இடத்தில் தோண்டினால் வற்றாத நீரூற்றுக் கிடைக்குமாம்.

முன்னோர்களின் ஆசீர்வாதம் கிடைத்த நல்ல உள்ளங்களுக்கு வாழ்த்துக்கள்.

Sunday Story

Sunday Story

Guests who never came

A few days after the father and mother died, the children opened all  the boxes and cupboards they had used. 

Expensive shirts, sarees given by children and grandchildren on special occasions, utensils brought from the Gulf, spoons, bedsheets, curios bought when they went on tour and perfumes all sat there without being opened or used.

The flawed utensils in the kitchen of the house, the crumpled aluminium utensils, the faded plates for eating, the grey bedsheets in the bedroom all came to mind.  

If she was told to take it and use it, she would say, "It is all about taking a drop of water when someone comes up."

Most homes have ceramic items that are stored in glass cupboards on the wall.  For whom is all this waiting for?

The tablecloth with small blue flowers is folded to be rolled out when someone comes? For whom are the shining utensils and glasses sitting motionless? Do you expect someone to call your name and come into the house?

The ins and outs will disappear one day. Thoughtful and unexpected guests will also come that day. Your immobile body may not be able to accommodate the crowds that come to see you in expensive vehicles. The cupboards and tablecloths that you have kept like gold for distinguished guests for ages will remain in that cupboard.

The edges of the ceramic cup are dusty and dull. Yellow stains are seen in the folds of the tablecloth.

We need to understand the truth that no bigger guests are coming than us and that there is no bigger celebration than our life.  All the endless waiting is in vain. What we lose is our precious life that God has given us.

Time does not wait for anyone. In an instant, you will all become pictures on the wall. Our deferred hopes will change. We always need to remember that we are the only ones who can laugh for ourselves. Like a child who goes to school without good clothes on the day when he is likely to get beaten up, we are afraid of something and put aside our happiness. We do not laugh today waiting for the good days to come.

It is just that we do not realize that a bigger day than today is yet to come. The moments lost without living will fade away forever.

You do not have to wait for anything.

Take out the best tablecloth for yourself today and spread it. Put up your new curtains. Wipe with a damp cloth, the shiny spoons and the best utensils and arrange on the shelf.

Place scented candles on the table. You are the star! Today is your biggest day. Celebrate as much as you can.

This does not mean throwing away money or forgetting duties. Start living for yourself from this day. Make a world for yourself with short trips, music, movies and books.

Drink more tea. One more laugh. Let the nerves come. Let the knee hurt.

Let us go ahead and celebrate. Isn't it a life?

May the days to come be more beautiful. Realize that you are the biggest guest in your life and enjoy every day of your life and live till death.

Reflection

Time will never wait for anyone. Today, it is the only truth. The poet sang, who knows who and what tomorrow will be like.

மகாபாரதத்தில் கண்ணன் ஏன் அழுதான்

மகாபாரதத்தில் கண்ணன் அழுத இடம்..

உடல் அழியக் கூடியது. ஆத்மா அழியாது என்று அர்ஜுனனுக்கு கீதோபதேசம் செய்த கண்ணன் அழுத இடம் ஒன்று உண்டு. 

அது எந்த இடம் தெரியுமா?

கர்ணன் அடிபட்டு இறக்கும் தருவாயில் இருக்கிறான். அவன் செய்த தர்மம் அவனைக் காத்து நின்றது.

அந்த தர்மத்தையும் கண்ணன் தானமாகப் பெற்றுக் கொண்டான். 

கண்ணனுக்கே தாங்கவில்லை. உனக்கு ஒரு வரம் தர விரும்புகிறேன். என்ன வரம் வேண்டுமோ கேள் என்றான். 

அப்போதும் கர்ணன் மறு பிறவி என்று ஒன்று வேண்டாம். அப்படி ஒரு வேளை பிறக்க நேர்ந்தால், யாருக்கும் இல்லை என்று சொல்லாமல் கொடுக்கும் உள்ளத்தைத் தா என்று வேண்டினான். 

கண்ணன் அழுதே விட்டான். இப்படி ஒரு நல்லவனா என்று அவனால் தாங்க முடியவில்லை. 

கீழே விழுந்து கிடந்த கர்ணனை அப்படியே எடுத்து மார்போடு அனைத்துக் கொண்டான்.

கண்ணனின் கண்களில் இருந்து கண்ணீர் பெருக்கெடுத்து ஓடுகிறது. அந்தக் கண்ணீரால் கர்ணனை நீராட்டினான்.

கர்ணன் கேட்டதோ இல்லை என்று சொல்லாத உள்ளம் மட்டும் தான். 

கண்ணன் மேலும் பலவற்றை சேர்த்துத் தருகிறான் 

நீ எத்தனை பிறவி எடுத்தாலும், தானம் செய்து, அதைச் செய்ய நிறைய செல்வமும் பெற்று, முடிவில் முக்தியும் அடைவாய் என்று வரம் தந்தான். 

இறைவனைக் காண வேண்டும், முக்தி அடைய வேண்டும் என்று எவ்வளவோ பேர் எவ்வளவோ தவம் செய்வார்கள். எவ்வளவோ படிப்பார்கள். 

கர்ணன் இறைவனைக் காண வேண்டும் என்று தவம் செய்யவில்லை. முக்தி வேண்டும் என்று  மெனக்கெட வில்லை. 

இறைவன் அவனைத் தேடி வந்தான். கேட்காதபோதே விஸ்வரூப தரிசனம் தந்தான்.  அவனைக் கட்டி அணைத்துக் கொண்டான்.  கண்ணீர் விட்டான். செல்வம், ஈகை, முக்தி என்று எல்லாம் கொடுத்தான். 

இறைவனைத் தேட வேண்டாம். அவன் நாம் இருக்கும் இடம் தேடி வருவான். கேட்காதது எல்லாம் தருவான். நம்மைக் கட்டி அணைத்துக் கொள்வான்.

அதற்கு என்ன செய்ய வேண்டும்?

கர்ணன் தானம் செய்தான், 

செய் நன்றி மறவாமல் இருந்தான். 

எளியவர்களுக்கு உதவி செய்தான், தனக்கு உதவி செய்தவர்களுக்கு நன்றி மறக்காமல் இருந்தான். அவ்வளவுதான்.

உலகளந்த பெருமாள், அவனிடம் கை நீட்டி நின்றார்.

ஈகை எவ்வளவு பெரிய நற்செயல் !

இயன்றதைசெய்வோம் இல்லாதவர்க்கு.

மூடநம்பிக்கை

ரெண்டு நாளா பொழுது போகலை. அதனால கடவுள் மறுப்பு இயக்கத்தில் தீவிரமாய் இருக்கிற என் நண்பர் ஒருத்தருக்கு போன் போட்டு பேசினேன்.

'டேய்...! சடங்கு, சாஸ்திரம், சம்பிரதாயம்லாம் மூடநம்பிக்கைன்னு நிரூபிக்கிறதுக்கு ஒரு அருமையான சந்தர்ப்பம் வந்திருக்கு. பயன்படுத்திக்கிறியா..?'

நண்பர் ஆர்வமானார். 

'கண்டிப்பா பயன்படுத்திக்கிறேன்டா. அதுமட்டுமில்ல. அந்த சம்பவத்தை படம் பிடிச்சு youtube ல போட்டு உலகம் பூராவும் இந்து மதத்தையும் அதோட வழிமுறைகளையும் நாறடிச்சுடுறேன். நான் என்ன செய்யணும் சொல்லு'

நான் சொன்னேன்,

'இன்னைக்கு விஜயதசமி. வித்தியாரம்ப நாள். இந்த சங்கிப் பயலுக அவனுங்களோட பிள்ளைகளையும் பேரப்பிள்ளைகளையும் கோவிலுக்கு கூட்டிட்டு போய், அந்தக் கோவில்ல இருக்கிற கல்லு சிலைக்கு முன்னாடி உட்கார்ந்து, ஒரு தட்டில் நெல் மணியை பரப்பி குழந்தை கையை பிடிச்சு அதுல ஆனா ஆவன்னா எழுத்து எழுதி கல்வியை தொடங்கி வைப்பானுங்க.

இதுல குரு தட்சணைன்னு அங்க இருக்கிற பார்ப்பனருக்கு துண்டு வேஷ்டி துட்டுன்னு காணிக்கை வேற கொடுப்பானுங்க'

நான் பேசப்பேச நண்பருக்கு குஷி தாங்கலை. ஆச்சரியமாய் என்னிடம் கேட்டார்,

'நீயாடா இப்படி அறிவுப்பூர்வமா பேசுற? சங்கி பயல்களுக்கு கொடூரமா முட்டுக் கொடுப்பியேடா. இந்த விஷயத்துல நான் என்ன செய்யணும்னு சொல்லு. உடனே செய்யுறேன்'.

நான் அவனிடம் கேட்டேன்,

'உனக்கு ஸ்கூலுக்கு போற வயசுல பேரப்பிள்ளைகள் இருக்கா?'

சடாரென பதில் சொன்னான்,

'ஆமா..! என் மகள் வயித்து பேரன் இருக்கான்'

நான் தொடர்ந்தேன்,

'நீ என்ன பண்ற..! உன் பேரனை தூக்கிக்கிட்டு சுடுகாட்டுக்கு போயி, அங்க கிடக்கிற பிணம் எரிச்ச சாம்பலை ஒரு தட்டுல பரப்பி, அரைகுறையா வெந்து கிடக்கிற எலும்பு துண்டை அவன் கையில கொடுத்து,

அங்க வச்சு அந்த சாம்பல்ல அவனுக்கு ஆனா ஆவன்னா எழுத சொல்லி தர்ற. 

சொந்தக்காரங்க எல்லாத்தையும் மறக்காம கூட கூட்டிட்டு போயிரு. அந்தப் பையன் எழுத ஆரம்பிக்கும் போது சொந்தக்காரங்கள ஒப்பாரி வைக்கச் சொல்லு.

அத படம் புடிச்சு யூடியூப்ல போட்டு,

கலைவாணி முன்னால் தான் என்றல்ல... கல்லறையில் எழுதினாலும் கல்வி அறிவு வரும்; வளரும்னு ஒரு பஞ்ச் டயலாக் போடுற.

இதுக்கு ஏகப்பட்ட லைக்ஸ்சும் வியூசும் கிடைக்கும். 

அதோடு மக்களுக்கு கோவில்ல வச்சு தான் எழுத்தறிவை ஆரம்பிக்கணும்ன்ற மூட நம்பிக்கையும் ஒழியும். உன்னோட கொள்கையும் உலகம் பூராவும் பரவும். 

அங்க இருக்கிற வெட்டியானுக்கு தட்சணையா சீயக்காய், எண்ணை, ஊதுவத்தி வாங்கி கொடுத்துடுவோம்.

சொல்லு எப்போ நாம சுடுகாட்டுக்கு போவோம்..?'

திடீரென நண்பருக்கு ஆறறிவில் ஓரறிவு அவுட் ஆகி போனது. காட்டுக்கத்து கத்தினார்,

'ஏன்டா நாயே..! உன் வாரிசுகள் மட்டும் நல்லா இருக்கணும். என் வாரிசுகள்லாம் நாசமா போகணுமா? இப்படி ஒரு யோசனையை சொன்னேன்னா என் மருமகன் விளக்கமாறால என்னை அடிச்சு என் மண்டையை பிளந்துருவாரு.

என் மகளையும் வீட்டை விட்டு வெளியே துரத்தி விட்டுருவாரு.

கடவுள் இல்லைன்னு நான் வீர வசனம் பேசுறதையெல்லாம் மேடையோடு நிறுத்திக்கலைன்னா எனக்கு வீட்டுக்குள்ள இடம் கிடையாது.

இந்த மாதிரி அபசகுனம் பிடிச்ச யோசனைய எவனுக்கும் சொல்லாத. இனி செத்தாலும் உன்னோடு பேசமாட்டேன்டா' னு சொல்லி போனை கட் பண்ணிட்டார்.

அப்போதான் புரிஞ்சது. மூடநம்பிக்கை ஒழிப்புன்றதே ஒரு மூடநம்பிக்கை தான்னு..!

பகுத்தறிவை பயன்படுத்தி கொஞ்சம் மாத்தி யோசிச்சா இந்த கதறு கதறுறானுங்களே!!

Sri C. Radhakrishna Rao

Sri C. Radhakrishna Rao, Retired at the age of sixty and went to live with his daughter in America along with his grandchildren.    

There, at the age of 62, he became a professor of statistics at the University of Pittsburgh and at the age of 70 , he became the head of the department at the University of Pennsylvania.

US citizenship at the age of 75. 

National Medal For Science at the age of 82 , a White House honor.

Today, at the age of 102 , he received the Nobel Prize in Statistics.

In India, the government has already honored him with Padma Bhushan (1968) and Padma Vibhushan (2001).

Rao says: No one asks after retirement in India.

Colleagues also respect power and not scholarship. 

At the age of 102 , receiving a Nobel while in good physical condition, it is probably the first example.

An event that should be taken into account by all of us !

Age is just a number. 

Willingness to work and excel always matter.

 

மாவீரன் பிருத்விராஜ் சௌஹான்

1999 ம் ஆண்டு நமது நாட்டு விமானம் நேபாளத்திலிருந்து ஆப்கானிஸ்தானுக்கு இஸ்லாமிய பயங்கரவாதிகளால் கடத்தப்பட்டது. 

அப்போது செய்தி சேகரிப்பதற்காக இங்குள்ள பத்திரிகைகள் சில தனது நிறுபர்களை ஆப்கனுக்கு அனுப்பி வைத்தது..

அங்கு ஹோட்டலில் தங்கியிருந்த நிருபர்கள் கந்தகார் நகரை சுற்றி பார்க்க கிளம்பினார்கள்...

அவர்கள் நடந்து சென்ற தெருவின் ஓரிடத்தில் ஒரு மண்மேடு காணப்பட்டது.

அந்த வழியாக வந்த ஒருவர் அந்த மண்மேட்டை பார்த்ததும் காரி உமிழ்ந்துவிட்டு சென்றார்.

மற்றொருவர் மண்மேட்டின் மீது சிறுநீர் கழித்துவிட்டு சென்றார்..

அந்தப்பக்கமாக வந்த இரண்டு பெணகள் செருப்பை கழற்றி மண்மேட்டை அடித்துவிட்டு சென்றார்கள்.

இதைப்பார்த்துக்கொண்டிருந்த நிருபர்கள் என்னவென்று புரியாமல் நேராக ஹோட்டலுக்கு வந்தார்கள்.

அங்கு ஹோட்டலில் ரிஷப்ஷனில் இருந்தவரிடம் தாங்கள் பார்த்த சம்பவத்தை ஆங்கிலத்தில் கூறி ஏன் என்று விசாரித்தார்கள்..!!

அந்த ரிஷப்ஷனிஸ்ட், அது ஒரு ஹிந்து மன்னனின் சமாதியென்றும்.. அம்மன்னனின் மீதுள்ள ஆத்திரத்தை இங்குள்ள மக்கள் இவ்வாறு தீர்த்துக்கொள்கிறார்கள் என்றும் கூறினார்..!!

அம்மன்னன் வேறுயாருமல்ல...

மாமன்னர்_ஸ்ரீ_ப்ருத்திவிராஜ்_சௌஹான்

இப்போது பாகிஸ்தானிலுள்ள சிந்துநதி பாயும் சிந்து மாகானத்தை ஆட்சிசெய்த இரஜபுத்திர மாவீரன் தான் பிருத்விராஜ் சௌஹான்..

தன் பதினோராம் வயதிலேயே அரியணை ஏறிய பிரித்திவிராஜ் குதிரை ஏற்றத்திலும் வில்வித்தையிலும் சிறந்த வீரன்..

தான் மிகவும் அழகாக இருப்பதாக தன் நன்பன் கூறியதால் வீரர்கள் அழகாக இருக்கக்கூடாதென்று தன் முகத்தில் தன் வாள் கொண்டு தளும்பை உண்டாக்கிக் கொண்டவர்..

பக்கத்து நாட்டை ஆண்டு கொண்டிருந்த தன் தாய்மாமன் ஜெயச்சந்திரன் முன்பகை காரணமாக தன் மகள் சுயம்வரத்திற்கு பிருத்விராஜ் ஜை அழைக்க மறுத்துவிட்டார்..

இதனால் கோபம் கொண்ட பிருத்விராஜ் சௌஹான் தன் தாய்மாமன் மகளின் மனதில் தான் இருக்கிறோம் என்பதை ஒற்றர்கள் மூலம் அறிந்து கொண்டார்.

மறுநாள் தன் குதிரையில் ஏறி தன்னந்தனியாக சென்று தன் மாமனின் அரண்மனைக்குள் நுழைந்து தன் காதல் மனைவி பட்டத்தரசி சம்யுக்தாவை புரவியில் கவர்ந்துகொண்டு வந்தார்..

இதனால் ஆத்திரமடைந்த ஜெயச்சந்திரன் பழிதீர்க்க காத்துக் கொண்டிருந்தார்..

இந்நிலையில் மேற்கிலிருந்து படையெடுத்து வந்த முஹம்மது கோரி என்ற துருக்கிய திருடனை இரண்டுமுறை தோற்கடித்து விரட்டினார்..

மூன்றாவது முறையாக சிந்து நதிக்கரையில் வேட்டையாடிக்கொண்டிருந்த பிரித்திவிராஜ் சௌஹானை... தன் தாய்மாமன் ஜெயச்சந்திரன் உதவியால் இரவில் உறங்கிக்கொண்டிருக்கும் போது முஹம்மது கோரி கைது செய்தான்..

கைது செய்ததும் பிருத்விராஜ் மீதுள்ள பயத்தில் அவர் கண்களை குருடாக்கினான்..

குருடாக்கி  தன் நாட்டுக்கு அழைத்துச்செல்லும் வழியில் ஆப்கானிஸ்தான் காந்தகரில் ஒர் இரவு தங்கினான்.

அப்போது பிருத்விராஜ் ஜின் நன்பர் ...

தன் மன்னர் கண் தெரியவில்லையென்றாலும் அர்ச்சுனன் போன்று வில்விடுவதில் சிறந்தவரென்று  கூறினார் 

சோதிக்க விரும்பிய கோரி பிருத்விராஜ் ஜிடம் வில்லையும் அம்பையும் கொடுத்து சப்தம் வரும் திசையை நோக்கி அம்பு விடச் சொன்னான்.. 

தன் வீரர்களையும் ஒலி எழுப்பச்சொன்னான்..

கண் தெரியாத சூழ்நிலையிலும் மிகத்துல்லியமாக அம்பை விட்டார் பிரித்திவிராஜ் ..

அசந்துபோன கோரி ஒரு கட்டத்தில் சந்தோஷத்தின் உச்சத்தில் சபாஷ் என்று கத்தினான்..

இந்த சப்தத்திற்காக காத்துக்கொண்டிருந்த பிருத்விராஜ் சௌஹான் சப்தம் வந்த திசையை நோக்கி அம்பை விட்டார்...

கணப்பொழுதில் அம்பு பாய்ந்து முஹம்மது கோரி மாண்டுபோனான்..

கோரி மாண்டு போனதை கண்ட சகவீரகள் பிருத்விராஜ்ஜையும் அவர் நண்பரையும் கொன்று அங்கேயே புதைத்தனர்..

இன்றும் அவர்களை கொன்று புதைத்த மண்மேடு காந்தகர் நகரில் உள்ளது...

இஸ்லாமியனை எதிர்த்து துரோகத்தால் உயிர்நீத்த முதல் ஹிந்து மன்னன் மாவீரன்_பிருத்விராஜ்_சௌஹான்...

ஹிந்துக்கள் வீரத்தால் தோற்றவர்கள் அல்ல..!!

துரோகத்தால்_தோற்றவர்கள்..

ஒவ்வொரு ஹிந்து மன்னனின் வரலாறும் நமக்கு இதையே உணர்த்தும்..

நமது வாஜ்பாய் அரசு இவர் நினைவாக உள் நாட்டில் தயாரிக்கப்பட்ட அணு ஆயுதத்தை சுமந்து செல்லும் ஏவுகனைக்கு ப்ருத்திவி என பெயர் சூட்டியது..

ராம் ராம்

இப்படியும் நடக்குமா  என ஆச்சர்யமாக உள்ளது !!

நேற்று மாலை காய்கறி, பழம் வாங்க மார்க்கெட் போனேன். வழக்கமாக பழம் வாங்கும் கடையில் ஆளில்லை . ஆனால் அங்கிருந்த போர்டில்" என் தாய் உடல் நலமில்லாமல் இருப்பதால் வீட்டில் அவளை கவனித்துக் கொள்ள வேண்டிய நிர்ப்பந்தம். அவளுக்கு மருந்து வாங்கி கொடுக்க வேண்டும். தராசில் உங்களுக்கு வேண்டிய அளவு பழங்களை அளந்து பணத்தை அருகிலுள்ள டப்பாவில் போடவும். பணம் இல்லாவிட்டால் நாளை கொடுக்கலாம்"

நான் எனக்கு தேவையான பணத்தை தராசில் நிறுத்து எடுத்துக் கொண்டு பணத்தை டப்பாவில் போட்டுவிட்டு கிளம்பினேன்.

மறுநாள் அதே கடைக்குச் சென்ற போது கடையில் கடையின் சொந்தக்காரன் அமர்ந்திருந்ததை கண்டேன்.

"ஐயா இன்று பழங்கள் விற்றுப் போய்விட்டது " என்றான்.

அவனை எதிரிலிருந்த ஹோட்டலுக்கு அழைத்துச் சென்றேன். டீ அருந்தியவாறு பேச்சுக் கொடுத்தேன்.

உன் பெயரை தெரிந்து கொள்ளலாமா ? என்றேன்

"சீதா ராம்" என்றான். " போர்ட் தொங்குவது எனக்கு புதிதாக படுகிறது. இதன் பின்னணியை விளக்க முடியுமா" என்று கேட்டேன்.

அவன் பேச ஆரம்பித்தான்,"நானும் அம்மாவும்தான் வீட்டில். மனைவி இறந்து விட்டாள். குழந்தைகள் இல்லை. அம்மா படுத்த படுக்கையாக விட்டாள். என்னால் வேலைக்கும் போக முடியவில்லை.

ஒருநாள் அம்மாவின் கால்களை நீவி விட்டவாறு சொன்னேன். அம்மா பணப்பற்றாக்குறை வந்து விட்டது. என்னால் உன்னை தனியாக விட முடியவில்லை. கடையில் ஆளில்லாவிட்டால் எவர் வாங்குவர்? நீயும் தனியாக இருக்க பயப்படுகிறாய்? என்ன செய்வது" என்றேன்.

சுருங்கிய கைகளால் என் தலையை வருடிக் கொடுத்த அம்மா சொன்னாள்," கடைக்கு சென்றவுடன் ராமனின் பெயரை மூன்று முறை சொல்லவும். பழங்கள் அடுக்கி விட்டு வா, அதன்பின் அவன் பொறுப்பு. பார்த்துக் கொள்வான். போர்டில் உன் நிலமையை சுருக்கமாக எழுதி பணம் போட ஒரு டப்பாவை வைத்து விடு .ஆனால் என்றாவது நஷ்டம் வந்தால் அந்த ராமனை தூஷிக்காதே" என்றாள்.

அதன்படியே செய்து வருகிறேன் 3 வருடங்களாக. தினமும் மாலையில் டப்பா நிரம்பி வழியும்!

சிலர் அம்மாவிற்கு மலர் கொத்து வைத்துவிட்டு போவர்.

நேற்று ஒரு சிறுமி அம்மாவிற்கு கேக் வைத்திருந்தாள்.

டாக்டர் ஒருவர் அம்மாவிற்கு தேவைபட்டால் தனக்கு போன் பண்ண சொல்லி நம்பர் எழுதி வைத்திருந்தார். 

ஸ்ரீராமன் அநுகிரஹத்தில் இன்றுவரை எல்லாம் நல்லபடியாக போகிறது என்கிறாள் அம்மா"

இதுதான் நான் போர்ட் எழுதின கதை என முடித்தான்!!!

கடவுளை நம்பினோர் கைவிடப்படமாட்டர் !!!

வாழ்க்கை அனுபவம்

60 வயதைக் கடந்து 70ஐ நோக்கி வாழ்க்கையை நகர்த்தும் என்னுடைய நண்பர் ஒருவரிடம், "உங்கள் வாழ்க்கை அனுபவத்தில் உங்களுக்குள் நீங்கள் என்ன மாற்றத்தை உணர்கிறீர்கள்?" என்று கேட்டேன். 

அதற்கு அவர் " உங்களுடைய கேள்விக்கான பதிலை நான் வீட்டிற்குப் போய் உங்களுக்கு அனுப்புகிறேன்" என்றார். அவ்வாறே அவர் ஒரு நீண்ட பட்டியலை வாட்ஸ்அப் மூலம் அனுப்பினார். அவர் ஆங்கிலத்தில் அனுப்பியதை அப்படியே தமிழில் மொழிபெயர்த்துக் கீழே தந்துள்ளேன். 

1) என் பெற்றோரிடம், என் உடன்பிறந்தோரிம், என் இணையரிடம், என் குழந்தைகளிடம், என் நண்பர்களிடம் அன்பும், பாசமும், காதலும் கொண்டிருந்த நான், இப்போது என்னை நானே விரும்பத் தொடங்கியுள்ளேன். 

2) இந்த உலகத்தை நான் என் தோள்களில் தாங்கிப் பிடித்திருக்க வில்லை என்பதை உணர்கிறேன். 

3) இப்போதெல்லாம் காய்கறிக்காரரிடம், பூக்காரியிடம், தள்ளுவண்டிப் பழ வியாபாரியிடம் பேரம் பேசுவதை நிறுத்தியுள்ளேன். பேரம் பேசாமல் நான் தரும் உபரித் தொகை அவருடைய குடும்பத்திற்கு ஏதாவது ஒருவகையில் உதவும் என்று கருதுகிறேன். 

4) நாள் முழுதும் உழைக்கும் டாக்சி டிரைவரிடம் பணத்தைக் கொடுத்துவிட்டு மீதிச் சில்லறைக் காசுக்காகக் காத்திராமல் திரும்புகிறேன். இதனால் அவர் முகத்தில் அரும்பும் புன்னகையை விரும்புகிறேன். 

5) என்னைவிட முதியவர்கள் ஒரு செய்தியை - நிகழ்வை - கதையைத் திரும்பத்திரும்பக் கூறினாலும், 'இதை நீங்கள் முன்பே கூறிவிட்டீர்கள்' என்று முகத்தில் அடித்தால் போல் கூறாமல், முதல்முறை கூறுவதாகவே கருதிக் கேட்டுக்கொள்கிறேன். 

6) நமக்காக உழைக்கும் வீட்டு வேலையாட்களிடம் விவாதம் செய்வதையோ சத்தம் இடுவதையோ முற்றிலுமாக நிறுத்திவிட்டேன். நிறைவைவிட அமைதியே விலைமதிப்பற்றது (Peace is more precious than perfection) என்பதை உணர்ந்துகொண்டேன். 

7) ஒவ்வொருவரையும் அவர்களின் செயற்பாடுகளில் மனமுவந்து பாராட்டுவதில் பெருமகிழ்ச்சி அடைகிறேன். என் சட்டையில் காணப்படும் சிறுசிறு கறைகளையெல்லாம் இப்போது நான் பொருட்படுத்துவது இல்லை. 

8) தோற்றத்தைவிட ஆளுமையே சிறந்தது என்பதை உணர்ந்துள்ளேன். (personality speaks louder than appearances.) 

9) என்னை மதிக்காதவர்களை விட்டு நானே விலகிச் சென்று விடுகிறேன். 

10) தேவையற்ற - முடிவற்ற தொடர் ஓட்டத்தில் என்னை முந்துபவர்களைப் பற்றி நான் கவலை கொள்வதில்லை. நான் பந்தயத்தில் இருப்பதாகவே என்னை நினைத்துக் கொள்வதில்லை. 

11) இப்போதெல்லாம் நான் எந்தவித உணர்ச்சிக்கும் ஆட்படுவதோ அடிமையாவதோ இல்லை. 

12) உறவுகளை முறித்துக் கொள்வதைவிட என்னுடைய egoவைக் கைவிடுவதே சிறந்தது என்னும் முடிவுக்கு வந்துள்ளேன். 

13) இந்த நாள்தான் வாழ்வின் இறுதிநாள் என்ற நினைப்பிலேயே ஒவ்வொரு நாளும் வாழ்ந்து வருகிறேன். 

14) எனக்கு மகிழ்ச்சியைத் தரும் வகையிலும், மற்றவர்களை மகிழ்ச்சியாக வைத்திருக்கும் வகையிலும் முடிந்தவரை என் வாழ்க்கையை அமைத்துக்கொண்டுள்ளேன். 

15) மற்றவர்களைக் குறைசொல்வதையும், புறங்கூறுவதையும் முற்றிலுமாகத் தவிர்த்துள்ளேன். 

16) என்னால் மற்றவர்களுக்குச் சிரமம் ஏற்படாத வகையில் முடிந்தவரை வாழ்ந்து வருகிறேன். 

17) தேவையின்றிப் பிறர் விஷயங்களில் தலையிடுவதை முற்றிலுமாகத் தவிர்த்துள்ளேன். 

18) யாரும் என்னை அணுகிக் கேட்டாலொழிய வலியச் சென்று ஆலோசனை வழங்குவதை நிறுத்தியுள்ளேன். 

19) என்னுடைய தேவைகளையும் எதிர்பார்ப்புகளையும் முடிந்தவரை குறைத்துக்கொண்டுள்ளேன். 

20) அரசியல், ஆன்மீகம், மதம் தொடர்பான செய்திகளைப் பகிர்வதையோ, அவை தொடர்பாக மற்றவர்களிடம் விவாதிப்பதையோ முற்றிலுமாகத் தவிர்த்துவிட்டேன்.

ஏன் வயதாகும் வரை காத்திருக்க வேண்டும்? எந்த வயதினராயினும் இவற்றைப் பின்பற்றலாமே! அமைதியான - பயனுள்ள - வெற்றி வாழ்க்கைக்குக் கைகொடுக்குமே.

அனைவருக்கும் பகிருங்கள். டாக்டர் நர்மதா . நன்றி!

கழுகு

மஹாளய பித்ரு பக்ஷ கேள்விகள்

மஹாளய பித்ரு பக்ஷ கேள்விகள்

18/09/24 - 03/10/24

தர்ம ஶாஸ்த்ரம்

கேள்வி 1: தினமும் செய்யும்பொழுது மஹாளய தர்பணம் 15 நாட்களா அல்லது 16 நாட்களா?

பதில் 1 : ஶாஸ்த்ரங்கள்  இரண்டையுமே ஒத்துக் கொண்டுள்ளது. தங்களின் குடும்பப் பழக்கப்படி 15 அல்லது 16 நாட்கள் செய்யலாம். நீங்கள் புதிதாக ஆரம்பிப்பதாக இருந்தால், குடும்பப் பழக்கம் தெரியாத நிலையில் 16 நாட்கள் செய்வது உத்தமம். மஹாளயத்தில் 16 நாட்கள் மிகவும் முக்கியமாகக் கருதப்படுகிறது. 

கேள்வி 2: என்னால் எல்லா நாளும் தொடர்ந்து தர்பணம் செய்ய முடியவில்லை என்றால் என்ன செய்வது? 

பதில் 2 : ஒரு நாள் ஶ்ராத்தமும் தர்பணமும் செய்யவும். மஹாளயத்தில் ஒரே ஒரு நாள் செய்யும் ஶ்ராத்தத்தை ஸக்ருன் மஹாளய ஶ்ராத்தம் என்று கூறுவார்கள்.  “ஸக்ருத்” என்றால் “ஒன்று” என ஸம்ஸ்க்ருதத்தில் பொருள். 

கேள்வி 3: நான் ஒரு நாள் ஸக்ருன் மஹாளய ஶ்ராத்தமும் தர்பணமும் செய்வதென்றால் அதைச் செய்வதற்கு ஏதாவது முக்கியமான நாட்கள் உண்டா ?

பதில் 3 : முக்கியமான நாட்கள்

1) பரணி நக்ஷத்ரம் உள்ள நாள் (மஹாபரணி) - 21/09/24

2) வ்யதீபாத யோகம் உள்ள நாள் (மஹாவ்யதீபாதம்) - 24/09/24

3) அஷ்டமி திதி  (மத்யாஷ்டமி) - 25/09/24

4) த்ரயோதசி உள்ள நாள் (கஜச்சாயை) - 30/09/24

இந்த நாட்களில் ஶ்ராத்தமும் தர்பணமும் செய்தால், இதை கயா க்ஷேத்திரத்தில் செய்ததற்குச் சமம். 

கேள்வி 4: அனைத்து 15 அல்லது 16 நாட்களில் தர்பணம் செய்வதற்குப் பதிலாக ஏதாவது 2 அல்லது 3 முக்கியமான நாட்களில் செய்யலாமா?

பதில் 4: மஹாளயத்தில் இரண்டு வகையான தர்பண முறைகள்தான் பரிந்துரைக்கப்பட்டுள்ளது.  ஒன்று ப்ராம்ஹணர்களை வீட்டுக்கு ஒரு நாள் அழைத்து ஸக்ருன் மஹாளய ஶ்ராத்தமும் தர்பணமும் செய்வது . இரண்டாவது, அனைத்து 15 அல்லது 16 நாட்களும்  தொடர்ந்து தர்பணம் செய்து, மற்றும் ஏதாவது ஒரு நாளில் ப்ராம்ஹணர்களை வீட்டிற்கு அழைத்து ஶ்ராத்தம் செய்வது.  உங்கள் விருப்பப்படி சில முக்கியமான நாட்களில் மட்டும் தர்பணம் செய்யக்கூடாது. 

கேள்வி 5: ஸக்ருன் மஹாளய ஶ்ராத்தம் தாய் அல்லது தந்தை இறந்த திதியில்தான் செய்யவேண்டும் என்று கட்டாயம் உண்டா? 

பதில் 5 : இந்த 15 நாட்களில் ஒரு நாள் ஸக்ருன் மஹாளய ஶ்ராத்தம் செய்யவேண்டும் என்பது கட்டாயம். மற்றும் அதை தாய், தந்தை இறந்த திதியில் பண்ணலாம். ஆனால் அது கட்டாயமல்ல.  நீங்கள் மூன்றாவது பதிலில் சொல்லியபடி ஏதாவது ஒரு சுப அதிகத் தகுதிகள் உள்ள நாட்களை எடுத்துக் கொள்ளலாம். 

கேள்வி 6: ஏதாவது ஒரு நாளில் ஸக்ருன்மஹாளய ஶ்ராத்தமும் தர்பணமும் செய்த பிறகு அமாவாசை அன்று மறுபடியும் மஹாளய தர்பணம் செய்யவேண்டுமா?

பதில் 6 : ஒரு நாள் ஸக்ருன் மஹாளய ஶ்ராத்தமும் தர்பணமும் செய்த பிறகு அமாவாசை அன்று மஹாளய தர்பணம் செய்யவேண்டாம்..அமாவாசை தர்பணம் செய்தால் மட்டும் போதுமானது.  அனைத்து 15 அல்லது 16 நாட்கள்  மஹாளய தர்பணம் செய்பவர்கள் அமாவாசை அன்றும் மஹாளய தர்பணமும் மற்றும் அமாவாசை தர்பணமும் செய்யவேண்டும்.  இவர்கள் முதலில் அமாவாசை தர்பணம் முடித்துவிட்டு மஹாளய தர்பணத்தைச் செய்யவேண்டும். 

கேள்வி 7: ஸக்ருன் மஹாளய ஶ்ராத்தம் செய்ய உசிதமான நாட்களைத் தேர்ந்தெடுக்க வரைமுறைகள் உள்ளதா?

பதில் 7: நீங்கள் ஒரு நாள் ஸக்ருன் மஹாளயம் செய்வதற்குப் ப்ரதமை முதல் சதுர்த்தி வரை உள்ள திதிகளைத் தவிர்க்க வேண்டும். உங்கள் பெற்றோரின் இறந்த நாட்கள் ப்ரதமை அல்லது சதுர்த்தி திதிகளில் இருந்தால் மற்றும் பதில் 3ல் கொடுத்துள்ள நாட்களில் இருந்தால் தவிர்க்கவேண்டியதில்லை.   கட்டாயமாகச் சதுர்த்தசியில் செய்யக் கூடாது. 

கேள்வி 8: ஏன் சதுர்த்தசியில் செய்யக் கூடாது?

பதில் 8 : இயற்கைக்கு மாறான மரணம் எய்தியவர்கள், ஆயுதத்தாலோ, விபத்திலோ, தற்கொலையிலோ, விஷத்திலோ துர்மரணம் அடைந்தவர்கள், ஆகிய இவர்களுக்காக சதுர்த்தசி ஒதுக்கப்பட்டுள்ளது. 

கேள்வி 9: என்னுடைய பெற்றோர்கள் பஞ்சமியிலோ, சஷ்டியிலோ அல்லது மற்ற திதிகளிலோ இயற்கைக்கு மாறான துர்மரணம் அடைந்திருந்தால் (பதில் 8ன் படி) என்று நான் மஹாளய ஶ்ராத்தம் செய்யவேண்டும்?

பதில் 9 : நீங்கள் சதுர்த்தசி அன்றுதான் செய்யவேண்டுமே தவிர அவர்கள் இறந்த திதியில் செய்யக் கூடாது.  இது போன்ற இயற்கைக்கு மாறான துர்மரணம் அடைந்தவர்களுக்காகவே சதுர்த்தசி ஒதுக்கப்பட்டுள்ளது.  ஆகவே இறந்த திதியைப் பொருட்படுத்த வேண்டாம். 

கேள்வி 10: இயற்கைக்கு மாறான துர்மரணம் எய்திவர்களுக்குச் சதுர்த்தசியில் மஹாளய ஶ்ராத்தம் செய்வதற்கு முன் ஏதாவது முக்கியமான விஷயங்களை மனதில் கொள்ள வேண்டுமா? 

பதில் 10: ஆமாம். இந்த ஶ்ராத்தத்தை “ஏகோதிஷ்ட விதானம்” முறைப்படி செய்யவேண்டும்.  இந்த  மஹாளயம்  இயற்கைக்கு மாறான துர்மரணம் எய்தியவர்களுக்கு மட்டுமே செய்யவேண்டும். இதில் மற்ற மூதாதையர்கள், காருணிக பித்ருக்கள் (அவர்களுடைய தந்தை, தாத்தா, தாய், ஆகியோர்) பங்கு ஏற்க மாட்டார்கள். மேலே குறிப்பிட்ட மூதாதையர்களுக்கு மற்ற வேறொரு நாளில்தான் மஹாளயம் செய்யவேண்டும். 

கேள்வி 11: நான் அனைத்து 15 அல்லது 16 நாட்கள் தர்பணம் செய்யும்பொழுது ஏதாவது திதிகளைத் தவிர்க்கவேண்டுமா? 

பதில் 11 : இந்த சிறப்பு வரைமுறைகள் அல்லது சில நாட்களைத் தவிர்ப்பது போன்றவை ஒரு நாள் ப்ராம்ஹணர்களை வீட்டிற்கு அழைத்து ஹிரண்ய ஶ்ராத்தமும் தர்பணமும் (ஸக்ருன் மஹாளய ஶ்ராத்தம்) செய்பவர்களுக்கு மட்டுமே பொருந்தும்.  அனைத்து நாட்களிலும் மஹாளய தர்பணம் மட்டும் செய்பவர்கள் எல்லா 15 அல்லது 16 நாட்களும் செய்யவேண்டும் 

கேள்வி 12: நான் மஹாளயத்தில் ஹிரண்ய ஶ்ராத்தம் செய்வதற்கு எத்தனை ப்ராம்ஹணர்களை அழைக்கவேண்டும்.

பதில் 12: ஆறு ப்ராம்ஹணர்கள் மிகவும் ஏற்றதாகும் 

அவர்கள்:

1. விஶ்வே தேவர் (இந்த தேவதைகள் நமது பித்ருக்களை அவர்களுடன் பூமிக்கு அழைத்து வருகிறார்கள்)

2. தந்தை வழி (3 தலைமுறை)

3. தாய் வழி (3 தலைமுறை)

4. தாயின் தாய் மற்றும் தந்தையர் வழி (3+3 தலைமுறை)

5. காருணிக பித்ருக்கள் (நெருங்கிய உறவினர்கள்)

6. மஹாவிஷ்ணு (ஶ்ராத்தத்தைப் பாதுகாப்பவர்) 

தற்பொழுது பல இடங்களில் 5 ப்ராம்ஹணர்கள் மட்டுமே வருவது பழக்கமாக உள்ளது. இந்த மஹாளய நேரத்தில் ப்ராம்ஹணர்கள் கிடைக்காத காரணத்தினால் மஹாவிஷ்ணுவுக்குப் பதிலாக விஷ்ணு பாதம்/ஶாலிக்ராமம் அல்லது கூர்ச்சம் வைக்கிறார்கள். 

கேள்வி 13: யாரெல்லாம் காருணிக பித்ருக்கள்?

பதில் 13: இறந்துபோன உங்கள் தந்தை மற்றும் தாய் வழி உறவினர்கள் – மாமா, தந்தை , தாய் சகோதரர்கள், சகோதரிகள், ஆகியோர்.  இவர்களுக்குத் தர்பணம் செய்து, த்ருப்திப்படுத்தி அவர்களின் ஆசீர்வாதத்தைப் பெறுவதற்கு இந்த மஹாளயம் ஒரு சிறப்பான நேரமாகும். 

கேள்வி 14: என் தந்தை உயிரோடு இருந்து என் தாய் உயிரோடு இல்லை என்றால் மஹாளயம் எனக்கு பொருந்துமா?* 

பதில் 14 : இல்லை.  உங்களது தந்தைக்குத்தான் அதைச் செய்யும் உரிமை உள்ளது. 

அவிதவா நவமி (மஹாளய பக்ஷத்தில் வரும் நவமி-26/09/24) அன்று சுமங்கலிகளை அகத்திற்கு வரவழைத்துப் புடவை வாங்கி கொடுத்துச் சாப்பிடச் செய்யலாம்.

கேள்வி 15: எனது தாய் உயிரோடு இருந்து தந்தை இல்லை என்றால் நான் என்ன செய்யவேண்டும்?

பதில் 15 : தந்தை இறந்த ஒரு வருஷம் வரை மஹாளயமோ, அமாவாசை தர்பணமோ கிடையாது.  இறந்து ஒரு வருஷம் முடிந்த பிறகு மஹாளயம் அல்லது அமாவாசை தர்பணம் ஆரம்பிக்கவேண்டும். எனவே ஒரு வருஷம் கழித்து நீங்கள் ஆரம்பிக்கலாம். 

கேள்வி 16: சில தவிர்க்கமுடியாத காரணத்தினால் மஹாளய ஶ்ராத்தம்/தர்பணம் இந்த 15 நாட்களில் செய்யமுடியவில்லை என்றால் என்ன செய்வது?

பதில் 16: சில தவிர்க்கமுடியாத காரணத்தினால் மஹாளய ஶ்ராத்தம்/தர்பணம் செய்யத் தவறிவிட்டால் நமது ஶாஸ்திரங்கள் மற்றுமொரு காலத்தையும் கொடுத்திருக்கிறது..  இது வரும் மாதத்தில் உள்ள அடுத்த க்ருஷ்ண பக்ஷத்தில் , அதாவது, தமிழில் ஐப்பசி மாதம், சாந்த்ரமான நாட்காட்டிபடி ஆஶ்வீனம் அல்லது ஸௌரமான நாட்காட்டிப்படி துலா மாதத்தில் செய்யவேண்டும். 

யுகங்களின் கணக்கு

இந்து மத சாஸ்திரங்களில் காலத்தை மிக சிறிய அளவாகிய பரம மகா காலம் முதல் மிகப்பெரிய அளவாகிய பிரம்மாவின் ஆயுள் ஆன இரு பரார்தங்கள் வரை கணக்கிட்டுள்ளனர்.

இதற்கிடையே உள்ள காலத்தை பல்வேறு யுகங்களாகவும் , மன்வந்திரங்களாகவும் பிரித்துள்ளனர். அவற்றின் கால அளவு பற்றிய விவரங்கள் கீழே..  

 பரம மகா காலம் முதல் வருடம் வரை : 

பிரபஞ்சத்தில் சிறுதுளி அவத்தையின் காலமே ஒரு பரமாணு அல்லது ஒரு பரம மகா காலமாகும்.

மூன்று பரமாணுக்களின் காலமே ஒரு திரேசிரேணு ஆகும்.

மூன்று திரேசிரேணுகளின் காலம் ஒரு துருடி ஆகும்.

நூறு துருடிகளின் காலம் ஒரு வேதகாலம் எனப்படும்.

மூன்று வேதகாலம் கூடினால் ஒரு லவம் ஆகும்.

மூன்று லவ காலம் ஒரு நிமிஷம் .

மூன்று நிமிஷம் ஒரு ஷணம் ஆகும்.

ஐந்து ஷணம் ஒரு காஷ்ட்டை .

பதினைந்து காஷ்ட்டை ஒரு இலகு.

பதினைந்து லகுக்கள் ஒருநாழிகை.

இரண்டு நாழிகை ஒரு முகூர்த்தம்.

ஏழு நாழிகை ஒரு ஜாமம் .

மனிதருக்கு இரவு நாலு ஜாமம் ஆகும்.

எட்டு ஜாமம் ஒரு நாள் ஆகும்.

பதினைந்து நாள் ஒரு பஷம் ஆகும்.

இரண்டு பஷம் ஒரு மாதம் ஆகும்.

இது பிதுர்களின் ஒரு நாளாகும்.

இரண்டு மாதங்கள் ஒரு ருது.

ஆறு மாதங்கள் ஒரு அயனம் ஆகும்.

தட்சிணாயனம், உத்திராயணம் என்ற இரு அயனங்கள் சேர்ந்தது ஒரு வருடம் ஆகும்.

இது தேவர்களின் ஒரு நாளாகும். 

யுகங்கள், மன்வந்திரம், கல்பம், பரார்த்தம்  

1728000 ஆண்டுகள் கிருத யுகத்தின் காலமாகும்.

1296000 ஆண்டுகள் த்ரேதா யுகத்தின் காலமாகும்.

864000 ஆண்டுகள் துவாபர யுகத்தின் காலமாகும்.

432000 ஆண்டுகள் கலி யுகத்தின் காலமாகும்.

இந்த நான்கு யுகங்களும் சேர்த்து ஒரு மகா யுகம்(சதுர் யுகம்) எனப்படும்.

இது போல 71 சதுர் யுகங்கள் சேர்ந்தது 

ஒரு மன்வந்திரம் எனப்படும்.

ஒவ்வொரு மன்வந்திரத்திலும் ஒரு இந்திரன்  ஆட்சியை செய்து கொண்டிருப்பார்.

அந்த மன்வந்திரம் முடிந்ததும் அடுத்த இந்திரன் ஆட்சிக்கு வருவார்.

மன்வந்திரம் பற்றிய சிறு குறிப்பு இடையில்..

இந்து மத சாஸ்திரங்களில் ஆயிரம் சதுர் யுகங்கள் சேர்ந்த காலம் ஒரு கல்பம் என்று கூறப்படுகிறது.

இந்த ஒரு கல்ப காலத்தில் 14 மனுக்கள்

தங்கள் ஆட்சியை நடத்துவர் என்று கூறப்படுகிறது.

ஒரு மனு தன் ஆட்சியை நடத்தும் காலம் ஒரு மன்வந்திரம் ஆகும்.

ஒரு மன்வந்திர காலம் முடிந்தவுடன் பிரளயம் ஏற்பட்டு உலகம் அழிந்து விடும்

 என்றும் பின் புதிய மனு(மனு என்பவர் மனித குலத்தின் முதல் மனிதர் ஆவார்.)

 தோன்றி மானிட குலம் மீண்டும் உதயமாகும் என்றும் கூறப்படுகிறது.

இப்போது நடைபெறும் கல்பத்தில் 6 மன்வந்திரங்கள் ஏற்கனவே முடிந்து விட்டதாகவும் இப்போது நடைபெறும் ஏழாவது மன்வந்திரத்தில் வைவஸ்த மனு மனுவாகவும் புரந்தரன் இந்திரனாகவும் இருப்பதாக புராணங்கள் குறிப்பிடுகின்றன.

இப்போது நடைபெறும் கல்பத்தில் ஆட்சி செய்யும் மனுக்கள் மற்றும் இந்திரர்கள் பெயர்கள் பாகவத புராணத்தில் பின்வருமாறு குறிப்பிடப்பட்டுள்ளது. 

மன்வந்திரம் / மனு இந்திரர் 

1 சுயம்பு / இந்திரன் 

2 . ச்வாரோசிஷன் / ரோசன்

3 . உத்தமன்/ சத்யஜித்

4 . தபாசன்/ திரிசிகன் 

5 . ரைவதன், விபு 

6. சாசூசன்/ மந்திரதுருமன் 

7 . வைவஸ்த மனு/ புரந்தரன் 

8 . சாவர்ணி/ மகா பலி

9 . தசாசாவர்ணி/ சுரதன் 

10 . பிரம்மா சாவர்ணி / சம்பு 

11 . தர்மசாவர்ணி / வைதிருதி 

12 . ருத்ர சாவர்ணி / ருது சாமவே 

13 . தேவ சாவர்ணி / திவஸ்பதி 

14 . இந்திரசாவர்ணி / சுகி ]

இவ்வாறு 14 மன்வந்திரங்களும் அதன் சந்திகளும் சேர்ந்தது ஒரு கல்பம் ஆகும்.

ஒரு கல்பம் ஆயிரம் சதுர் யுகங்கள் கால அளவை கொண்டிருக்கும்.

இந்த ஒரு கல்பம் பிரம்மாவின் ஒரு பகல் ஆகும். அதே கால அளவு அவரின் இரவாகும்.

இது போல 720 கல்பங்கள் அவரின் ஒரு ஆண்டாகும்.

பிரம்மாவின் 50 ஆண்டுகள் ஒரு பரார்த்தம் ஆகும்.

பிரம்மாவின் வயது நூறு ஆண்டுகள் ஆகும்

இந்த நூறு ஆண்டுகள் முடிந்ததும் மகா பிரளயம் ஏற்பட்டு பிரம்மா முதல் அனைத்து தேவர்கள், உயிரினங்களும் பரமாத்மாவில் கலந்து விடுவர்.

இதே கால அளவு பரமாத்மா சயனத்தில் இருப்பார். பின் புதிய பிரம்மாவை தோற்றுவித்து படைப்புகளை தொடர்வார். 

ஒரு சதுர் யுகம் 4320000 வருடங்கள் 

71 சதுர் யுகம் 306720000 வருடங்கள்

சந்தி 1728000 வருடங்கள் 

சந்தியுடன் ஒரு மன்வந்திரம் 308448000 வருடங்கள்

 ஒரு கல்பம் 4320000000 வருடங்கள்

பிரம்மாவின் ஒரு வருடம் 3110400000000 வருடங்கள் 

 பிரம்மாவின் ஆயுள் 311040000000000 வருடங்கள்

என்ன தலை சுற்றுகிறதா..?

இணையத்தில் படித்தது..

நீங்களும் அறிந்திருக்க இங்கே பகிர்கிறேன்..